Ministri në detyrë për Evropën dhe Punët e Jashtme në Shqipëri, Gent Cakaj, nëpërmjet një shënimi në Facebook, ka njoftuar se do të mbështeten financiarisht dy shkollave në qytetin e Tuzit në Mal të Zi dhe pajisjen e tyre me literaturë bashkëkohore.
Një nismë e tillë vjen pas investimit të kryer nga qeveria shqiptare në qytetin e Ulqinit, ku u ngrit libraria e parë me literaturë në gjuhën shqipe.
Bëhet fjalë për rikonstruksionin e bibliotekave të dy shkollave në gjuhën shqipe në qytetin e Tuzit, shkollës fillore ‘Mahmut Lekić’ dhe shkollës së mesme ‘25 Maj’, e cila është shkolla e vetme e mesme në të gjithë rajonin e Podgoricës.
“Derisa të ndodhë funksionalizimi i plotë i Fondit Ndër-Shtetëror për Mbështetjen Financiare të Shqiptarëve në Mal të Zi, ne gjithsesi do të vijojmë mbështetjen për projekte të ndryshme në të mirë të shqiptarëve atje, veçanërisht në ruajtjen e ngritjen e arsimit në gjuhën shqipe. Në ndërkohë për një kohë të shkurtër do të hapim edhe Konsullatën e Përgjithshme të Shqipërisë në Ulqin”, u shpreh Cakaj.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
