Opoja.net

Dënohen me nga dy mijë euro AAK dhe Nisma – shkelen masat antiCovid në Prishtinë

Dënohen me nga dy mijë euro AAK dhe Nisma – shkelen masat antiCovid në Prishtinë

Drejtoria e Inspekcionit në Prishtinë, ka dënuar me nga dy mijë euro Aleancën për Ardhmërinë e Kosovës (AAK) dhe Nismën Socialdemokrate.

Drejtori i Inspekcionit në Prishtinë, Adonis Tahiri, ka thënë se të dyja këto parti kanë organizuar tubime në kundërshtim me vendimet qeveritare dhe ligjet në fuqi, transmeton Telegrafi.

“Vazhdojmë me shqiptimin e gjobave për subjektet politike që organizojnë tubime në kundërshtim me vendimet qeveritare dhe ligjet në fuqi. Inspekcioni i Rendit Komunal po angazhohet në identifikimin dhe marrjen e masave ndaj secilit subjekt – shkelës të ligjit – brenda territorit të Kryeqytetit”, ka shkruar Tahiri në Facebook.

Ai ka thënë se Ligjin për parandalimin dhe luftimin e pandemisë, vlen për të gjithë.

Theksojmë se sipas masave të fundit të miratuara nga Qeveria e Kosovës, në ambiente të mbyllura nuk lejohet tubimi më shumë se 30 qytetarë, kurse në ambiente të hapura lejohet deri në 50.

Nesër mblidhet Komiteti për Vlerësim të Situatës me Covid-19

Opoja.net

Përfundon numërimi i votave të diasporës, të enjten rezultatet përfundimtare

Opoja.net

Kur mund të shpallen rezultatet përfundimtare të zgjedhjeve, flasin nga KQZ

Opoja.net
Agjencia e Lajmeve
www.opoja.net