Komuna e Dragashit, në faqen e saj zyrtre në Facebook, ka njoftuar se ka përfunduar projekti i cili kishte për qëllim trajnimin dhe edukimin e të rinjve nga Dragashi në fushën e arteve mediale.
Sipas njoftimit të Komunës, ky projekt u realizua me mbështetjen e DKRS në Dragash dhe u implementua nga një organizatë joqeveritare nën drejtimin e regjisorit Valmir Tertini. “Grupi pjesëmarrës nga Komuna e Dragashit fillimisht morën leksione teorike rreth: si lind ideja, shkrimi i skenarit, xhirimet në terren, ndriçimi, montazhi, zëri, koloret etj. Pastaj për të vazhduar xhirimet në Bibliotekën e Dragashit “Ymridin Çengaj”, temë të cilën e zgjodhën vetë te trajnuarit, duke krijuar çasjen dhe trajtimin e tyre”, shkruhet në njoftimin e Komunës së Dragashit.
Ndërkohë, faqja SKENA në Facebook tashmë ka publikuar edhe etydin e realizuar nga disa nxënës të Shkollës së Mesme të Lartë ‘Ruzhdi Berisha’ në Dragash. Videoja në fokus ka promovimin e librit dhe bibliotekave në Komunën e Dragashit./Opoja.net
https://www.facebook.com/skenaworkshop/videos/416536419191547/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
