Dragashi me projekt mbi 1 milion eurosh për ujësjellësin

Lajme Opoja
Dragashi me projekt mbi 1 milion eurosh për ujësjellësin

Pas shumë shkeljeve Ligjore që Komuna e Dragashit i kishte bërë në përzgjedhjen e kompanisë për projektin e ujësjellësit, kësaj radhe ka zgjedhur një grup të operatorëve për t’ua dhënë kontratën për këtë projekt.

Autoriteti kontraktues Komuna e Dragashit, njoftimin për dhënie të kontratës për procedurën “Ujësjellësi kryesor-Vazhdim i punimeve (Projekt tre vjeçar)”, ia ka besuar Grupit të Operatorëve Ekonomik: N.N.P.”EBK”, NNTPP “Gashi Ing “, “VODOSKOK D.D.” dega në Kosovë, “Muratori” SH.P.K. me çmimin vlera më e ulët 1.087.442,62 euro.

Me datën 8 qershor, është dhënë kontrata, ndërsa, data e nënshkrimit të kontratës ishte 22 qershor 2018.

Gazeta Jeta në Kosovë, vazhdimisht e ka përcjellë tenderin për ujësjellësin në Komunën e Dragashit.

Në nëntor të vitit 2017, Gazeta Jeta në Kosovë, kishte shkruar se Komuna e Dragashit për disa herë me radhë është dashur ta mbrojë vendimin e saj para panelit të Organit Shqyrtues të Prokurimit (OShP).

Në dy tenderë të ndryshëm, por për punën e njëjtë, Komuna e Dragashit ka bërë shkelje ligjore duke e zvarritur zgjerimin e rrjetit të ujësjellësit në disa fshatra.

Në shkurt të vitit 2018, gazeta ka shkruar se tenderi për shtrimin e ujësjellësit në Komunën e Dragashit është kthyer në rivlerësim dhe se i njëjti disa herë është anuluar për shkak të shkeljeve të përsëritura ligjore që janë bërë nga Komuna e Dragashit.

Edhe në maj të këtij viti gazeta ka shkruar se Komuna e Dragashit, nuk ka mundur ta përfundoj procedurën e tenderimit për shtrimin e ujësjellësit.

Që nga qershori i vitit 2017, ka filluar procedura e prokurimin për këtë tender dhe tri herë OSHP ka marr vendim për anulim të dhënies së kontratës./Kallxo.com

100 bursa për studentë nga Komuna e Dragashit që studiojnë në universitetet publike të Kosovës

Fisnik Guri

DKA në Dragash pas intervistës me gojë shpall rezultatet për mësues klasor me kohë të caktuar në SH.F.M.U “Sezai Surroi”-Zym

Fisnik Guri

Veseli në Bresanë të Dragashit, zbulon pllakën me emrat e luftëtarëve të UÇK-së

Opoja.net
Agjencia e Lajmeve
www.opoja.net