Kreu i Drejtorisë për Ekonomi, Financa dhe Zhvillim në Komunën e Dragashit, Valon Shabani, iu është përgjigjur kritikave të asambleistëve për ngecjet në realizimin e buxhetit, gjatë Seancës e cila po mbahet sot nga KK i Dragashit.
Drejtori Shabani ka theksuar se ngecjet kanë ndodhur për shkak të vonesave në miratimin e buxhetit nga niveli qendror, të cilat kanë bërë që edhe alokimi i mjeteve për Komunën të bëhet me vonesë.
Gjithashtu, njëra prej arsyeve pse realizimi i buxhetit nuk ka ecur si duhet gjatë tremujorit të parë të këtij viti, sipas drejtorit për Ekonomi, ka qenë edhe pensionimi i një zyrtari komunal që ka qenë përgjegjës për kryerjen e punëve në këtë sektor./Opoja.net
———————
Kjo web faqe mirëmbahet dhe menaxhohet nga Agjencia e Lajmeve “OPOJAnet B.I”. Opoja.net mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me Opoja.net, ndalohet rreptësisht.