Hamdi Muhameti nga fshati Bresana, kandidati i ri që do të konkurojë i pavarur në zgjedhjet e ardhshme komunale në komunën e Dragashit !
Në profilin e tij në facebook iu drejtohet qytetarëve të kësaj komune me këto fjalë: Për thirrje për përkrahje të një iniciative të re në komunën e Dragashit.
Postimi i plotë i Hamdi Muhametit në profilin e tij në facebook:
Të dashur: familjarë, shokë, miq, dashamirë…! Jemi dëshmitarë të gjendjes së vështirë sociale – ekonomike në Kosovën tonë të dërmuar, e në veçanti në Komunën e Dragashit; Pasiviteti dhe mungesa e perspektivës atje, më bën të mendoj e të veproj si më poshtë: Për shumë vite jam angazhuar në dobi të Kosovës dhe jam interesuar për mundësinë e investimeve dhe zhvillimin e saj, me projekte konkrete të përgatitura nga ekspertë evropianë të të gjitha lëmive; duke kontaktuar biznesmen e kompani të shumtë, të cilët janë të interesuar në realizimin e projekteve të ndryshme. Me: kënaqësi, përgjegjësi e përkushtim të plotë; me ide të reja, me njerëz të rinj, me projekte të gatshme dhe të studiuara me kujdes veç e veç…, duke filluar nga vendlindja ime, gjithashtu do të bëjmë përpjekje për zgjerim të veprimtarive serioze edhe në rajone të tjera shtetërore.
Andaj, ju: NJ O F T O J se, në zgjedhjet e ardhshme lokale do të konkuroj si kandidat i pavarur për Kryetar të Komunës së Dragashit, me ç’rast, do të prezantoj projektin për ndryshim, zhvillim dhe ardhmëri të Komunës sonë. “Rajoni i ynë – SHARRI BIO, është vend tejet i përshtatshëm për turizëm, relaks, sport e rekreacion”, jo vetëm për kosovarët, por edhe për ata të vendeve të tjera. Për herë të parë, do të kemi mundësi të ndryshojmë e të hapim rrugë të reja me perspective: afatgjate, të sigurtë e të shëndoshë për të gjithë qytetarët e Komunës tonë pa dallim – për ne dhe brezat tanë. Të gjithë Ju bashkvendasit e mi të respektuar, shpresoj se do ta përkrahni këtë iniciativë. Të gjithë ju që keni ide dhe projekte për të mirën e vendlindjes sonë, me sinqeritet, ju ftoj që të na mbështesni, t’i bashkojmë forcat, dhe kështu: të pavarur, të pakushtëzuar, të distancohemi nga kjo politikë aktuale pasive, e korruptuar, pa vullnet e pa vizion… Të punojmë s’bashku, të bëhemi shembull, se duhet dhe mundet ndryshe. Me shumë respekt: Hamdi Muhameti
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
