Në statusin e tij të publikuar në facebook, kandidati që do të konkurojë i pavarur për kryetar të komunës së Dragashit, Hamdi Muhameti, sot u është drejtuar qytetarëve të kësaj komune:
Të nderuar qytetarë të Komunës së Dragashit!
Po e ndaj me ju kënaqësinë që ndjej për përkrahjen dhe mbështetjen e Juaj që po i jepni iniciativës, si dhe projektit që kam publikuar për ardhmërinë e Komunës tonë, në veçanti, ju falënderoj që e keni forcuar: idenë, bindjen dhe punën time, se ky projekt është i qëlluar dhe gati i vetmi që duhet të realizohet për mirëqenie imediate dhe ardhmëri të sigurtë për brezat që vijnë. Ju njoftoj, se jemi duke punuar me entuziazëm dhe optimizëm tani më, me më shumë ekspertë të fushave të ndryshme si ne vend, ashtu edhe në Diasporë, që jo vetëm të prezantojmë atë se çfarë i duhet vendlindjes, por më shumë, si të realizohet në tërësi projekti. Edhe njëherë, ju falënderoj nga zemra, dhe, me kenaqësi të madhe shpresoj që shumë shpejt të takohemi, të punojmë së bashku dhe të realizojmë konkretisht aspektet e dobishme për të gjithë Komunën dhe qytetarët pa dallim.
