Deputeti i LDK-së, Hatim Baxhku, nuk është dorëzuar përballë kërcënimeve të liderit të partisë, Isa Mustafa. Ai, përfundimisht i ka thënë Mustafës, se nuk do të votojë demarkacionin me Malin e Zi.
Përgjigje të njëjtë, Mustafa ka marrë edhe nga deputeti tjetër, Anton Cuni.
Dy deputetët e LDK-së, që vijnë nga Prizreni, e kanë vlerësuar të dëmshëm marrëveshjen e demarkacionit me Malin e Zi. Baxhaku, dië më parë në prani të anëtarëve të Kryesisë së LDK-së në Prizren, i ka thënë Mustafës, se vota tij, do të jetë kundër demarkacionit, shkruan PrizrenPrss.
Ndërkaq, burimet e “PrizrenPress”-it bëjnë të ditur se deputeti Baxhaku, një ditë pas mbledhjes së LDK-së në Prizren, Baxhaku është ftuar nga Isa Mustafa në Prishtinë.
Në këtë takim, Mustafa i ka thënë Baxhakut se nuk do ta lejojë të kandidojë për kryetar të Prizrenit, nëse nuk e voton demarkacionin.
“Mustafa e ka kërcënuar Baxhakun, se do të pengojë kandidimin e tij, për kryetar të Prizrenit, nëse nuk e voton marrëveshjen e demarkacionit me Malin e Zi”.
Anëtarët e nëndegëve të LDK-së në Prizren, i kanë dhënë mbështetje Hatim Baxhakut, që të kandidojë për kryetar të Prizrenit.
Ai, mbështetje ka marrë edhe nga kryetari i LDK-së në këtë qytet, Haxhi Avdyli.
“Pavarësisht vendimeve të njëanshme që mund t’i merr Isa Mustafa, anëtarësia e LDK-së në Prizren është e vendosur që në zgjedhjet e ardhshme të shkojë në garë me Baxhakun”, tregon një burim brenda LDK-së.
Anëtarët e LDK-së, ndërkaq, në tubimet e tyre, kanë filluar të kërkojnë votë për Baxhakun. /PrizrenPress.com/
