Një kërkesë e pazakontë është bërë sot në një fshat të Dragashit. Banorët e fshatit Blaç po përgatiten t’i ndalin fëmijët e tyre nga shkollë në shenjë protestë për mos punësimin e një të riu si teknik/mirmabajtës në këtë shkollë në vendin e babait të tij i cili vdiq pak ditë më parë.
Letra e përfaqësuesve të prindërve:
Në emër të prindërve të fshatit Blaç të Dragashit, konkretisht lagjes Prifte në koordinim me dy lagjet tjera të fshatit, shkruajmë këtë lutje:
Në shkollën tonë “Ilmi Bahtirjari”, siç e dini të gjithë, para disa ditësh fatkeqësisht ndërroi jetë punëtori i palodhur i kësaj shkolle, i njeri, Aledin Tahiri. Ne si prindër e kemi parë të arsyeshme dhe jemi mobilizuar fuqishëm se vendin e punës duhet ta vazhdojë domosdoshmërish i biri i tij i papunë, Labinot Tahiri dhe askush tjetër pos tij.
Duke parë padrejtësinë që u bë pikërisht për këtë çështje, pra për vendin e punës, lusim të gjithë bashkëfshatarët, gjegjësisht prindërit e nxënësve të shkollës “Ilmi Bahtijari” që në shenjë proteste nga data 18 prill, mos t;i lejoni t;i vijojnë mësimet fëmijët tuaj, deri në përmbushjen e kërkesës sonë.
Së bashku ne mund ta ndalojmë padrejtësinë, e në këtë rast përkrahja juaj do të jetë jetike.
Ju falenderojmë nga zemra duke ju shprehur respektin dhe besimin tonë të thellë.
