Ditë më parë Komuna e Dragashit ka nënshkruar një kontratë me kompaninë Alfa-Ing nga Prizreni për renovimin e disa objekteve kulturore. Vlera financiare e kësaj kontrate kap shifrën 27,990.50 euro.
Pjesa më e madhe e kësaj shume do të shpenzohet për renovimin e Namazxhahut në fshatin Buzez, më saktësisht 13 mijë e 736 euro.
Pjesa tjetër do të shkojë për objekte të tjera, siç janë Tyrbja e Plavës, Valavica në Bellobrad, Mulliri në Dragash, Tyrbja në Dragash, Tyrbja në Restelicë dhe Xhamia në Mlikë./Opoja.net
