Opoja.net

Kosovarët harrojnë teoritë e konspiracionit, shprehen të gatshëm të marrin vaksinën anti-covid

Kosovarët harrojnë teoritë e konspiracionit, shprehen të gatshëm të marrin vaksinën anti-covid

Pavarësisht shumë teorive të konspiracionit për vaksinën anti-covid të cilat në vendin tonë kanë bërë bujë, qytetarët e Kosovës shprehen të gatshëm të marrin këtë vaksinë, kur të arrijë në Kosovë, raporton Ekonomia Online.

Vaksina kundër Covdi-19, në Kosovë pritet të
arrijë në gjysmën e parë të vitit 2021, ndërsa disa qytetarë të anketuar nga
Ekonomia Online shprehen se do ta merrnin këtë vaksinë.

Në fillim të pandemisë rreth prodhimit të
kësaj vaksine ishin përhapur shumë konspiracione, ku njëri ndër to kishte qenë
edhe ai i “vendosjes së çipave”, nga i cili njerëzit do të ishin nën
kontroll të plotë. Ky konspiracion dhe ai që virusi nuk ekziston ishte përhapur
mjaftë shumë edhe në Kosovë.

Qytetari Rrahman Rrahmani i pyetur nëse do të
pranonte vaksinën anti-covid është përgjigjur pozitivisht duke uruar që ajo të
vije sa më shpejt.

“Unë pa kurrfarë hamendje e kisha pranuar sepse nuk duhet çdo herë dhe çdokujt me i besuar por në disa raste duhet. Ata të gjithë ekspert e shkencëtarë që janë munduar për ta shpëtuar njerëzimin unë nuk besoj që ka aso mendje e shpirti me mbytë njerëz. Prandaj ishalla ashtu po lutem vjen sa më shpejt” ka thënë ai.

Edhe qytetari tjetër, Kadri Sojeva është shprehur se do donte ta merrte vaksinën.

 “Nëse krejt bota e merr pse na duhet me kanë të veçantë, pse na shqiptarët duhet me qenë të veçantë. Nëse gjithë bota e merr edhe unë e kisha pranuar me marr edhe ishte dashur ta marr”

I gatshëm për të provuar vaksinën është treguar edhe Mexhid Jetullahu .

“Po si jo e kisha provu. Ma keq nuk bëhet se që po frikësohemi”, tha ai

Kurse Mehdi Syla ka thënë se beson në mjekësi dhe do të jetë prej të parëve që do ta marr atë.

“Mendoj që nuk është e dëmshme. Në qoftë se vijnë në Kosovë jam prej të parëve që do ta marr. Unë e kam moshën 71 vjeçare e marr qe 2 ose 3 vjet këtë vaksinën kundër gripit, ka dhënë efekt. Unë besoj në mjekësi”, u shpreh Syla.

Ndërsa, sipas të dhënave nga anketa rajonale e “Biepag” rreth 30-40 përqind të qytetarëve në vendet e Ballkanit thonë se do të refuzojnë ta marrin vaksinën për Covid. Gati 80 përqind besojnë në të paktën njërën prej teorive të konspiracionit mbi virusin.

Deri tash disa shtete kanë prodhuar vaksinën e
tyre si Rusia, Kina e Britania e Madhe, vakisan e së cilë e prodhuar nga
kompania farmaceutike “Pifzer”, po vlerësohet më e sukseshjma.
Britania e Madhe ka qenë vendi i parë që ka miratuar këtë vaksinë, duke filluar
edhe vaksinim e qytetarëve. Ndërsa, që këtë vaksinë e ka miratuar edhe SHBA.

Veprimet që duhet të bëni kur e shihni se po ju zë gripi

Opoja.net

Për trup të shëndetshëm – konsumoni dardha

Opoja.net

A do ta prishë agjërimin e Ramazanit, vaksina për Covid-19?

Opoja.net
Agjencia e Lajmeve
www.opoja.net