Opoja.net

Kryetari Shaban Shabani uron muajin e begatë të Ramazanit

Kryetari Shaban Shabani uron muajin e begatë të Ramazanit

Të nderuar qytetarë të komunës së Dragashit!
Të nderuar bashkatdhetarë kudo që jeni!

Kam kënaqësinë e veçantë që në emër të administratës komunale dhe
në emrin tim personal t’ju uroj muajin e begatë të Ramazanit.
Nesër është dita e parë e këtij muaji të Bekuar, dhe njëkohësisht dita e
parë e agjërimit për të gjithë besimtaret myslimane anë e mbanë
botës.

Ramazani është muaji i paqes, i solidaritetit dhe i mëshirës hyjnore.
Ramazani është muaji ku dalin në pah vlerat universale humane; të
bujarisë, të mirësisë, të dashurisë, te respektit ndaj njeri-tjetrit, vlera
që simbolizojnë moralin e lartë shoqëror.

Ramazani është një kohë e rëndësishme reflektimi për të gjithë
besimtarët për të përmirësuar lidhjet farefisnore dhe shoqërore me
njëri-tjetrin, për të forcuar ndjenjën e bujarisë dhe solidaritetit me
njerëzit në nevojë. Është momenti kur besimtarët rifreskojnë
besëlidhjen e tyre me Krijuesin e Gjithësisë.

Agjërimi i muajit të Ramazanit na mundëson një baraspeshë mes
shpirtërores dhe materiales, mes zemrës dhe arsyes, mes vullnetit dhe
diturisë. Agjërimi i afron besimtarët më shumë me vlerat e dashurisë,
respektit ndaj tjetrit, bamirësisë, sinqeritetit, dhe çdo besimtar ndjehet
më afër dhe më mirënjohës ndaj mirësive të Zotit të Botërave.
Të nderuar qytetarë!

Të gjithë jemi të vetëdijshëm se këtë herë kemi një agjërim ndryshe
për shkak të pandemisë COVIT-19. E kuptoj që kjo është një
ndryshim i madh ngase kemi te vendosura masa të kufizimit të
lëvizjes dhe xhamitë do të jenë të mbyllura si dhe nuk do të kemi edhe
iftare të përbashkëta e falje të namazit me xhemat .

Vendosja e këtyre masave është sfiduese për të gjithë po përderisa
janë vendosur nga profesionistët e Institutit Kombëtar të Shëndetit
Publik, Ministrisë së Shëndetësisë dhe Këshillit të Bashkësisë Islame
ju bëj thirrje ti respektoni në tërësi duke i kryer adhurimet në shtëpi.

Padyshim se kemi nevojë të furnizohemi brenda ditës dhe kjo na
imponon të dalim jashtë shtëpive. Është shumë e rëndësishme që gjatë
kësaj kohe të ruajmë distancën dhe ti respektojmë të gjitha
rekomandimet si masë e vetme për të qenë të sigurt.

Respektimi i deri tanishëm i këtyre masave ka bërë që komuna jonë të
mos jetë e prekur me virusin korona. Ne duhet të jemi të bashkuar me
njëri tjetrin si deri tani ngase kontributi i të gjithëve na bën më të fortë
në përballimin e kësaj sprove që me ndihmën e të Madhit Zot jam i
bindur se do ta tejkalojmë.

Krejt në fund me lejoni që edhe një herë t’ju uroj muajin e bekuar të
Ramazanit duke ju dëshiruar shëndet e agjërim të lehtë.

Aktivitetet për nder të Epopesë së UÇK-së

Opoja.net

DKA në Dragash ndanë mirënjohje për mësimdhënësit e pensionuar

Opoja.net

U zhvillua edicioni i dytë i garës ndërkombëtare të skijimit “Dardania Cup”

Opoja.net
Agjencia e Lajmeve
www.opoja.net