Opoja.net
Meka Mish

Kryetari Shabani: 15 Qershori ditë shprese e gëzimi, kur nga Komuna jonë u larguan forcat serbe

Në Dragash sot u mbajt akademia solemne, për nder të 15 Qershorit, Ditës së Çlirimit të Dragashit. Në sallën e KK të Dragashit, ku u mbajt akademia, morën  pjesë përfaqësues komunalë, familjarë të dëshmorëve të rënë nga Komuna e Dragashit, veteranë të UÇK-së, përfaqësues nga Bashkësia Islame e Dragashit, KFOR-i, Policia e Kosovës e të tjerë.

Në fjalimin e tij para të pranishmëve, kreu i Komunës së Dragashit, Shaban Shabani, theksoi se Dita e Çlirimit të Dragashit, 15 Qershori i vitit 1999, ishte një ditë gëzimi dhe shprese për Dragashin, pasi që forcat ushtarake dhe paramilitare serbe u larguan nga ky qytet.

“15 Qershori ishte konkretizim i përpjekjeve dhe sakrificave të qytetarëve tanë, të bijve dhe bijave të tij më të mirë, një pjesë e të cilëve dhanë jetën për idealin e ndritur të lirisë’’, ka thënë i pari i Komunës së Dragashit në akademinë  e sotme solemne.

Kryetari Shabani ka shtuar se “tek qytetarët tanë u rikthye shpresa për një jetë më të lumtur dhe liri të plotë’’, duke theksuar se ‘’Dita e Çlirimit të Komunës sonë do të mbetet përjetësisht ditë nderimi për ata që flijuan jetën e tyre, ata që luftuan dhe ata që na mbështetën në realizimin e aspiratave për liri e pavarësi.”/Opoja.net

Mos i humb

Qendra e VV-së në Dragash kërkon shkarkimin e Seljman Osmanit

Fari Kolloni

Kryetari Shabani anulon konkursin për mësimdhënës të kimisë në shkollën e Kosavës

Fari Kolloni

Banorët e Blaçit mbesin mbi 35 orë pa ujë, akuzojnë Komunën dhe operatorin ekonomik për keqmenaxhim të projektit

Fari Kolloni

Qytetari nga Brruti: zv/Kryesuesi i KK në Dragash e udhëheq komunën paralele të Gorës

Fari Kolloni

Nga QKMF e Dragashit paratë nuk depozitohen me kohë në llogari

Fari Kolloni

Drejtoria e Arsimit në Dragash nuk jep llogari për pagesat jashtë orarit dhe përvojat e punës

Fari Kolloni
Agjencia e Lajmeve
www.opoja.net