Konferenca e parë e boronicës që është mbajtur ndonjëherë në Kosovë.
Programi i USAID-it Zhvillimi Bujqësor dhe Mundësitë Rurale (AGRO) në bashkëpunim me partnerin e saj strategjik në sektorin e boronicës Boost Berries (Vitomericë) mblodhi së bashku më shumë se 150 pjesëmarrës vendas dhe ndërkombëtarë për Konferencën e parë të Boronicës në Kosovë.
Qëllimi i konferencës është që të bashkojë fermerët ekzistues dhe potencial të boronicës në Kosovë, duke krijuar një rast unik për mundësitë e krijimit të rrjetit dhe për të mësuar nga përvoja e madhe e tre specialistëve ndërkombëtarë që japin ligjërata në kultivimin e boronicës.
Kjo ngjarje dy-ditore përfshin konferencën në hotelin Emerald më 19 prill, dhe një vizitë fushore te pemishtet e boronicës së Boost Berries në Vitomiricë më 20 prill.
Kërkesat për rritjen e boronicës janë shumë të veçanta. Kultura ka kërkesa të veçanta ushqyese dhe duhet të kombinohet me pH-në kritike të tokës dhe faktorët e tjerë të brendshëm.
Ky kombinim i faktorëve e bën arritjen e rendimenteve optimale një detyrë shumë komplekse.
Kultura e tanishme, siç është evidentuar gjatë vjeljes së saj të parë, ka treguar ndjeshmëri të skajshme ndaj faktorëve të mjedisit dhe ka kërkuar menaxhim të shkëlqyeshëm.
