Opoja.net

Mësojeni se cili biznes i bëri bashk nipin e Hashim Thaçit e djalit të Agim Veliut

Një hulumtim i KALLXO. com zbulon se Kushtrim Thaçi dhe Naser Veliu janë anëtarë në Bordin Drejtues të kompanisë së sigurimeve “Kosova e re”.

I pari, Kushtrimi, është djali i vëllait të Presidentit Hashim Thaçi, Gani Thaçi. Ndërsa, Naser Veliu është djali i ministrit aktual të Punëve të Brendshme dhe nënkryetarit të LDK-së, Agim Veliu.

Kompania e sigurimeve “Kosova e re” është në pronësi të një kompanisë tjetër “Fitorja Sh.P.K”.

Sipas legjislacionit në fuqi, Ligjit për Sigurime, bordet e kompanive aprovohen nga Banka Qendrore e Kosovës. Kështu ka njoftuar BQK përmes një përgjigje me shkrim.

“Bazuar në nenin 27 paragrafi 1 të Ligjit nr. 05/L-045 për Sigurimet, Bordi i Drejtorëve të siguruesve përbëhet nga numri tek, jo më pak se pesë (5) anëtarë me të drejtë vote, që emërohen dhe shkarkohen nga Asambleja e përgjithshme e aksionarëve, me mandat katër (4) vjeçar, me mundësi rizgjedhjeje”, thuhet në përgjigjen e zëdhënësi të BQK-së.

Propozimi për anëtarë të bordit në kompanitë e sigurimeve nuk rregullohen me legjislacionin në Kosovë.

Sipas BQK-së, nipi i Hashim Thaçit, Kushtrim Thaçi është emëruar në Bordin Drejtues të “Kosova e re” më 2 mars të vitit 2016 nga vetë BQK, ndërsa djali i Agim Veliut, Naser Veliu është emëruar në këtë bord më 5 maj 2017.

Bie ndjeshëm numri i të gjobiturve për shkak të mosrespektimit të masave anti-COVID19

Merlinda Guraj

Paralajmërohen temperatura deri afër 40 gradë gjatë javës së ardhshme në Kosovë

Merlinda Guraj

Autobusi me pelegrinë nga Serbia pasi hyn në Kosovë, kthehet mbrapsht nga Policia

Merlinda Guraj
Agjencia e Lajmeve
www.opoja.net