Sot në fshatin Pllajnik ka qenë për vizitë Ministri i Infrastrukturës, Lutfi Zharku, i shoqëruar nga kabineti i tij dhe nga Kryetari i LDK-së në Dragash, Selim Kryeziu. Kjo vizitë u realizua pas kërkesës së banorëve të fshatit Pllajnik të bërë në ministri.
Ministri Zharku bashkë me keshillëtar te tije dhe me shefin e kabinetit të tij, e vizituan Dragashin, ku se pari u mbajt nje takim formal me degën e LDK-së në Dragash, e me pastaj udhetuan drejtë fshatit Pllajnik ku edhe qëllimi i vizites ishte rruga që e lidh Pllajnikun edhe Xerxen, ku për këtë rrugë 4 Km të gjatë, Pllajnikasit kërkuan që të asftohet.
Në këtë rast takimi gjithashtu u bisedua edhe për relacionin rrugor Zaplluxhe – Prizren, ku ministri Zharku potencoi se tashme buxheti për këtë rrugë është ndar dhe gjatë vitit 2016 do te asfaltohet.
Gjithashtu ministri Zharku foli edhe për rrugën që e lidh Dragashin me Shishtavecin e Shqiperisë, ku për këtë rrugë është ndar buxheti dhe kjo do të finalizohet gjatë vitit 2016.
Ministri gjithashtu foli edhe për një plan propozim që i është bërë për rrugën Zhur -Dragash, i cili plan parashe që kjo rrugë të behët me tre korsi, dy korsi për lart (Zhur-Dragash) dhe një korsi për posht (Dragash – Zhur), mire po ky projekt nuk është miratuar pasi që Ministria e Infrastrukturës është tepër e ngarkuar nga ana buxhetore pasi që Autostrada Prishtinë – Hani Elezit po kushton shumë shtrejt e nuk ka buxhet për këtë projekt propozim për rrugën Zhur – Dragash, pasi që ka një kosto të madhe deri në 70 milion euro.
Fillimisht banorët e fshatit Pllajnik kanë bërë kerkesë në këtë ministri për rregullimin e rrugës, pasi gjendët në gjendje të rënd, dhe vështirson qarkullimin gjatë dimrit.
Ministri i Infrastrukturës, Lutfi Zharku, ka pranuar kërkesën dhe ka shprehur gatishmëri për rregullimin e kësaj rruge, ndërsa gjatë ditës së sotme Zharku ka shikuar nga afër gjendjën e rrugës dhe është takuar me banorët e fshatit.
Kryesia e fshatit Pllajnik ka pritur në takim Ministrin e Infrastrukturës, i shoqëruar nga bashkëpuntor dhe nga Kryesia e LDK-së në Dragash.
“Është interes i Qevërisë së Kosovës që të krijoj kushte më të mira jetesë nëpër vendbanime të tilla dhe të thella, me qëllim të parandalimit të migrimit” ka thënë Lutfi Zharku.
“Vet ardhja ime këtu tregon interesimin tim e të Qevërisë për këtë investim, për këtë rrugë dhe për këtë fshat” ka thënë Zharku.
Ministria është shprehur e gatshme për një investim të tillë, mirëpo fillimisht duhet kërkesë nga Komuna e Dragashit. E banorët e fshatit Pllajnik kërkesën do ta paraqesin edhe te Kryetari i Komunës së Dragashit, Salim Jonuzi.
© Opoja.net. Të gjithë të drejtat e mbrojtura.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
