Opoja.net

Mish i kalbur nga Brazili dyshohet se ka hyrë edhe në Kosovë

Mish i kalbur nga Brazili dyshohet se ka hyrë edhe në Kosovë

Kosova ka shumë mundësi të jetë prekur nga fenomeni i mishit të kalbur, skandal që ka shpërthyer në Brazil pak ditë më parë, raporton KTV. Kjo për faktin se vendi ynë importon tonelata mishi, si të gjedhit, ashtu edhe të pulës.

Autoritetet kompetente kosovare për kontroll të cilësisë së këtij produkti thonë ta kenë ngritur nivelin e kontrollit, ndërsa bllokadën e mundshme të këtij produkti do ta bëjnë vetëm në momentin kur një vendim merret në nivel evropian.

Shoqëria civile thotë të mos jetë rasti i parë që konsumatorët janë të rrezikuar skajshëm nga produktet e rrezikshme. Madje, sipas tyre, nuk ka vullnet politik për mbështetjen e institucioneve përgjegjëse për t’i mbrojtur më shumë konsumatorët, pasi vetë njerëzit nga politika janë të lidhur me tregtarët.

Sipas të dhënave të Doganës së Kosovës, vitin e kaluar, kemi importuar 13.3 milionë kilogramë mish gjedhi dhe pule, në vlerë prej mbi 23.6 milionë eurosh.

Deri më 20 mars të këtij viti, Kosova ka importuar 1.8 milionë kilogramë mish në vlerë prej mbi 3.7 milionë euro.

Brazili është një prej eksportuesve më të mëdhenj të mishit në botë.

Insekti nga Kosova bëhet lajm në botë

Opoja.net

Pas borës, bujqit i kthehen punës në vreshta

Opoja.net

Për tre muaj, u eksportuan 126 milionë euro produkte nga Kosova

Merlinda Guraj
Agjencia e Lajmeve
www.opoja.net