Nagavci: Thaçi e sulmoi në familje Vjosa Osmanin, zyrtarët e LDK-së po e ulin kokën

Lajme
Nagavci: Thaçi e sulmoi në familje Vjosa Osmanin, zyrtarët e LDK-së po e ulin kokën

Nënkryetarja e Kuvendit nga radhët e Vetëvendosjes, Arbërie Nagavci, i ka dalë në mbrojtje kryetares së Kuvendit, Vjosa Osmani, pasi presidenti Thaçi dje në një paraqitje televizive tha se dikush nga familja e Osmanit i ka shërbyer Serbisë.

Nagavci ka shkruar në Facebook se zyrtarët e LDK-së po e ulin kokën pas deklaratave të ulëta të Presidentit.

“E ditur botërisht se deputetë e disa krerë të LDK-së e bënë Thaçin President, e ditur se ata i mundësuan të sjellë në këtë gjendje vendin, madje jo në pak raste ishin vet pjesë e këtij degradimi. Edhe tani, në kohët më kritike për vendin që nga pas lufta, deputetë e këta krerë në LDK edhe një herë u bënë bashkë me Pesidentin Thaçi dhe po ecin pas tij, andaj dhe ulin kokën edhe pas deklaratave të ulëta e kërcënimeve që i bën Presidenti ndaj nënkryetares së tyre, ndaj Kryeparlamentares”, ka shkruar Nagavci.

Postimi i plote:

Kush tjetër do të pranonte një President si Thaçi?!
Në paraqitjet e tij të shpeshta në konferenca për media e në studio televizive, asnjëherë nuk kemi pasur rastin të shohim Presidentin Thaçi brenda mandatit të tij kushtetues, si person që përfaqëson unitetin e popullit e aq më pak si një person që mund të frymëzojë, që na impresionon së paku një herë me njohuritë e tij, që ka një vizion për vendin apo se përkrah kauza të ndryshme në të mirë të shoqërisë.
Asnjëherë të vetme, as edhe një rast.
Krejt çfarë kemi parë nga ky person është shprehje e mllefit, gjuhë e urrejtjes, kërcënime, shantazhime e shpifje. Arsyet për sjellje të tilla mund të jenë të shumta, por gjithnjë është e pranishme frika e tij, frika për veten, për të kaluaren dhe të ardhmen e tij. Ky njeri ka shumë për të fshehur, ka shumë për të humbur, andaj dhe s’ka më as masë, as turp e as kufi.
Mbrëmë Presidenti Thaçi kërcënoi e shantazhoi Kryeparlamentaren Osmani, gruan më të votuar. Dhe ashtu siç bën gjithnjë, pasi i mungojnë argumentet dhe aftësia për të diskutuar në mënyrë parimore ai shpif e shpërndan vrerin e tij rreth të tjerëve, duke u munduar të godas në familje.
E ditur botërisht se deputetë e disa krerë të LDK-së e bënë Thaçin President, e ditur se ata i mundësuan të sjellë në këtë gjendje vendin, madje jo në pak raste ishin vet pjesë e këtij degradimi. Edhe tani, në kohët më kritike për vendin që nga pas lufta, deputetë e këta krerë në LDK edhe një herë u bënë bashkë me Pesidentin Thaçi dhe po ecin pas tij, andaj dhe ulin kokën edhe pas deklaratave të ulëta e kërcënimeve që i bën Presidenti ndaj nënkryetares së tyre, ndaj Kryeparlamentares.
Por ne s’duhet e s’bën të harrojmë, s’duhet e s’bën të heshtim. Shantazhimi është i papranueshëm, ashtu si dhe çfarëdo projekti i dëmshëm për vendin.
Ky nuk është Presidenti im. S’ka qenë asnjëherë

Edhe 75 raste të reja me koronavirus në Kosovë — shërohen 38 pacientë të tjerë

Opoja.net

GJASHTË VIKTIMA DHE 182 RASTE TË REJA ME COVID-19, SHËROHEN 33 PACIENTË

Opoja.net

Pas Labit edhe kjo aktore nuk beson që ka virus!

Opoja.net
Agjencia e Lajmeve
www.opoja.net