Opoja.net

Namaz Nate në dhjetë netët e fundit të Ramazanit në xhaminë e vjetër në Bresanë

Namaz Nate në dhjetë netët e fundit të Ramazanit në xhaminë e vjetër në Bresanë

Bresanë, 25 qeshor 2016 – Dhjetë netët e fundit të Ramazanit janë shumë të veçanta. Nata e parë e këtyre netëve fillon në ditën e 21 të muajit Ramazan. Në  “Xhaminë e Vjetër” në Bresanë, do të organizohet falja e “Namazit të Natës” dhe aktivitete tjera adhurimi, të cilat organizohen për të shtatin vit me radhë. Udhëheqësi i Namazit të Natës, do të jetë Imami i nderuar: Xhevat ef. FETAHI, por janë të mirëseardhur edhe Hoxhallarë të tjerë, njofton Opoja.net.

Dhjetë netët e fundit të Ramazanit janë të veçanta. Këto janë netët ku i Dërguari, lavdërimi dhe paqja e Allahut qofshin mbi të, i kalonte vazhdimisht me adhurim. Në mesin e këtyre netëve është “Lejletul Kadri-Nata e Kadrit”- nata më e bekuar se një mijë muaj të tjerë.

I Dërguari, lavdërimi dhe paqja e Allahut qofshin mbi të, i veçonte këto net me adhurim dhe kryerjen e veprave të mira. Ai angazhohej në adhurim gjatë këtyre dhjetë netëve më shumë se çdo natë tjetër të vitit.

Njoftimi i Plotë:

Me  emrin  e  All-llahut,  Mëshiruesit,  Mëshirëbërësit

Es-Selamu alejkum we Rahmetull-llahi we berekatuhu

(Paqja dhe shpetimi i All-llahut qoftë mbi ju)

Të nderuar Besimtarë,Vëllezër dhe motra, kemi nderin të JU NJOFTOJMË, se nga data:25.06.2016, (E Shtunë) e deri më datën:03.07.2016, që nënkupton dhjetëditëshin e fundit të muajit të Madhërishëm të Ramazanit, në  “Xhaminë e Vjetër” në Bresanë, do të organizohet falja e “Namazit të Natës” dhe aktivitete tjera adhurimi, të cilat organizohen për të shtatin vit me radhë.

  JU FTOJMË, që edhe ju të merrni pjesë në këto aktivitete përgjatë këtyre ditëve të bekuara…

Udhëheqësi i Namazit të Natës, do të jetë Imami i nderuar: Xhevat ef. FETAHI, por janë të mirëseardhur edhe Hoxhallarë të tjerë, të cilët do t’i begatonin edhe më tepër këto netë me pjesmarrjen e tyre.

Falja e Namazit të Natës do të filloj çdo natë në ora 00:00 (Në mesnatë)

(Programi mbahet edhe për Gratë në objektin e veçantë)

 

Thotë All-llahu i Madhëruar në Kur’anin Famëlartë:

(E Robërit e Zotit janë ata) që për hirë të Zotit të tyre natën e  kalojnë duke bërë sexhde dhe duke qëndruar në këmbë (falen)”.  Furkan:64.

 

Transmetohet se Aisheja, r.a. ka thënë: Kur vinte dhjetëshja (dhjetë ditët e fundit të Ramazanit) i Dërduari i All-llahut,s.a.w.s e gjallëronte natën (me Ibadet), e zgjonte familjen e tij, angazhohej më tepër dhe vetmohej (për Ibadet)”.

© Opoja.net

Nëna, nëna, nëna!

Opoja.net

Të enjten mot më i ngrohtë, kryesisht i kthjellët dhe me diell

Opoja.net

Më të votuarit e LDK-së në Dragash, Hoti i treti

Opoja.net
Agjencia e Lajmeve
www.opoja.net