Nexhmidin Nijaziu dhe Salim Ramadani, dy penzionera të vullnetit të mirë, të cilët sot në kohën e drekës, kishin hipur në sherifet të minareve, dhe po ndërronin llambat e djegura, pastruar oborrin dhe gjera tjera që të jetë gati nesër për xhuma. Pas kësaj vepre të vullnetit të mirë ka reaguar hoxha i kësaj xhamie Kasam Muhameti, shkruan Opoja.net
Postimi i plotë i hoxhës Kasam Muhameti
MBETA I SHTANGUR!
Sot, në kohën e drekës, po sa arrita në xhami, vërejta dy persona të cilët kishin hipur në sherife të minareve, dhe po ndërronin llambat e djegura. Përnjëherë, qesh kurreshtar të dija se kush janë!?
Ç’të shohësh, h. Nexhmidin Nijaziu dhe Salim Ramadani, dy penzionera të shkathtë që kanë punuar në Zvicër, se po t’u thuhet pleq, me siguri do t’u mbetet hatri. Këta dy, së bashku me Mehmet Kamberin dhe Ibrahim Hasanin, që nga mëngjesi i ditës së sotme, kishin bërë nijet për të punuar tërë ditën te xhamia, për të pastruar edhe oborrin dhe për të kositur barin, e që për nesër, meqë është e xhyma, të jetë e përgatitur pë xhematin. Vërtet kjo iniciativë e tyre (e që ende janë duke punuar edhe në këto momente) më bëri të flas me vevetën!
Pra, këta më të vjetër se ne, sot kanë bërë punë madhështore, kurse për ne më të rinjtë, është mesazh shumë domethënës, që të marrim mësim për mirëbërje dhe vepra të mira vazhdimisht, kështu që t’i kemi të mirëmbajtuara dhe t’i shohim bukur edhe objektet fetare, të cilat i shfrytëzojmë vetë ne për ibadet, por edhe për pushim të kohëpaskohëshëm në oborrin e saj.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
