Opoja.net

Nga 46 mijë rastet me Covid-19 në Kosovë, mbi 70 për qind janë shëruar

Nga 46 mijë rastet me Covid-19 në Kosovë, mbi 70 për qind janë shëruar

Saktësisht 71.6 për qind e qytetarëve të prekur me coronavirus në Kosovë, nga fillimi i pandemisë e deri më tash, janë shëruar. Në nivel vendi janë regjistruar 46 mijë e 118 raste pozitive deri tash, ndërsa janë shëruar 33 mijë e 64 prej tyre, bazuar në raportin e së shtunës së Instituti Kombëtar të Shëndetësisë Publike.

46 mijë rastet pozitive kanë dalë nga testimi i më shumë se 161 mijë personave të dyshimtë.

Nga të gjitha këto raste, 1186 kanë përfunduar me vdekje apo 2.5 për qind e rasteve në total.

Aktualisht në vend janë edhe 11 mijë e 868 raste aktive.

Rastet e para me COVID-19 në Kosovë ishin regjistruar në muajin mars. Në muajt e verës pati ngritje të rasteve, ndërsa kulmi u arrit në muajt tetor-nëntor kur për vetëm dy muaj u regjistruan më shumë se 25 mijë raste pozitive e 435 të vdekur.

Dita më e rëndë për Kosovën në pandemi ishte 3 dhjetori. Atë ditë u regjistruan 22 të vdekur si pasojë e COVID-19.

A duhet të vaksinohen fëmijët kundër COVID-19?

Opoja.net

Soda e bukës ka një efekt vërtet të mrekullueshëm për shëndetin

Opoja.net

Veprimet që duhet të bëni kur e shihni se po ju zë gripi

Opoja.net
Agjencia e Lajmeve
www.opoja.net