Opoja.net

Opojanët e Prishtinës rreth sofrës të përbashkuar!

Lajme Opoja
Opojanët e Prishtinës rreth sofrës të përbashkuar!

Opojanët që jetojnë e punojnë në Prishtinë kanë vazhduar me traditën e ndejeve të përbashkëta. Një ndeje e tillë është organizuar të enjten (14.12.2017) në ambientet e Gjimnazit “Hasan Nahi” në Prishtine, përkatësisht në dhomën muzeale të këtij gjimnazi në të cilën ishin të pranishëm një numër i konsideruar i opojanëve të profesioneve e fshatrave të ndryshme: Gëzim Baxhaku-gazetar, Nuri Bahtijari-biznesmen, Agim Neziri-stomatolog, Rexhep Hasani-farmacist, Demir Reshiti-gazetar, Mevludin Krasniqi-politikan, Islam Kryeziu-patolog, Ilir Kurtishi-onkolog, Hajredin Tytyri- profesor dhe nikoqiri Aid Qafleshi-profesor.

Lajmin për këtë ndejë e ka publikuar gazetari Demir Reshiti i cili ishte njëri nga organizatorët e kësaj ndeje. Demiri në grupin “KOMUNITETI I OPOJANËVE NË PRISHTINË” në facebook, ka postuar disa fotografi nga kjo ndeje të cilat i ka shoqëruar me tekstin: “Vazhduam me traditën e takimit të opojanëve të Prishtinës rreth sofrës dhe tagarit të përbashkuar apo të njohur ndryshe si “ndeja e maklubes”.
Sonte ishim pak më tepër në numër se sa herave tjera dhe një shpërndarje nga disa fshatra të Opojës.
U kënaqem!

Faleminderit nikoqirit Aid Qafleshi dhe gjimnazit “Hasan Nahi” që na e mundësuan këtë ndeje. Maklubja e shtruar në sofër ishte e shkëlqyer, kafeja që e ziem në prush, gjithashtu…
Do të vazhdojmë me traditën e organizimit të këtyre ndejave. Le të përgatiten gazetaret opojanë që punojnë e jetojnë në Prishtinë!”

Duhet theksuar se komuniteti i opojanëve në Prishtinë që është me numër relativisht të madh, kohëve të fundit ka nisur të afrohet mes veti dhe rol të rëndësishëm në këtë drejtim po luan grupi i hapur në facebook me emrin “KOMUNITETI I OPOJANËVE NË PRISHTINË”. Pjesë e këtij grupi janë intelektualë, studentë, punëtorë dhe të tjerë nga Opoja të cilët jetojnë në kryeqytet.

© Opoja.net

Kryetari i BPSK: Qytetarët me padurim po e presin liberalizimin për të ikur nga vendi

Merlinda Guraj

Sot rinisin të reshurat, paralajmërohen vërshime të reja

Merlinda Guraj

Nuk kalon në KQZ rekomandimi për cerifikimin në pako të listave të partive politike

Merlinda Guraj
Agjencia e Lajmeve
www.opoja.net