Opoja.net

Përdoreni mençur makinën e larjes së enëve

Me qëllim që makina juaj e larjes së enëve të qëndrojë më gjatë, ndërsa enët të duken gjithmonë bukur të larë, duhet t’u përmbaheni disa këshillave bazë për përdorimin e këtij aparati.

○ Makinën shfrytëzojeni vetëm kur të grumbullohen enë të mjaftueshme. Është më së miri që programin për tharjen e enëve të mos e përdorni secilën herë, sepse makina harxhon më shumë rrymë për tharje sesa për larje.

○ Keni kujdes me enët plastike. Ato vendosni në makinë vetëm atëherë kur prodhuesi i tyre siguron se mund t’i lani me makinë. Edhe atëherë enët e plastikës vendosni vetëm në pjesën e sipërme dhe lani me ujë të ftohtë.

○ Shpërndani enët ashtu që ndërmjet tyre të ketë vend të mjaftueshëm për kalimin e ujit dhe detergjentit, transmeton Telegrafi.

woman-setting-dishwasher

○ Përdorni vetëm preparate dhe detergjente, të cilët janë të dedikuar për larje automatike me makinë. Në asnjë mënyrë mos përdorni sapun, detergjent për tesha ose detergjent për larjen e enëve në dorë.

○ Thikat dhe mjetet tjera me maje renditni me kujdes në shportën përkatëse (takëm). Anën që pret të thikave kthejeni nga poshtë ose vendosni në pozitë horizontale.

○ Do të ishte mirë, sikur pas çdo larjeje ta ndërpritni ujin, ndërsa derën e makinës e leni gjithmonë pakëz hapur. Në këtë mënyrë do ta pengoni krijimin e lagështisë brenda saj.

○ Para se t’i vendosni enët e palara në makinë, largoni nga to të gjitha mbetjet e ushqimit, ndërsa enët që kanë pjesë të djegura ose ushqim të djegur të ngjitur, para larjes në makinë, vendosni ato në ujë, sepse më lehtë do të largohen mbetjet e nga përgatitja e ushqimit.

○ Nëse keni takëm të argjendtë, atëherë nuk duhet ta lani atë me pjesët tjera të metalit, sepse gjatë larjes mund të vijë deri te reaksionet kimike.

Ndiqni këto veprime nëse telefoni juaj është lagur dhe nuk do të ndizet

Merlinda Guraj

Idetë e dekorimit të banjës: Cilat pllaka të zgjidhni dhe si t’i kombinoni ato me elemente të tjera

Merlinda Guraj

Një grua nga Afrika e Jugut lind 10 foshnje

Opoja.net
Agjencia e Lajmeve
www.opoja.net