Sot përmes një postimi në rrjetin social Facebook, Kasam Muhameti njëri nga pjesëmarrësit, ka përkujtuar “Betejën e Kosharës”. Gjithashtu gjatë këtyre ditëve Opoja.net ka transmetuar një dokumentar me Dëshmorët e Opojës, këto dokumentare po transmetohen nga ora 21:00 direkt në facebook.
Ky është shkrimi origjinal i Kasam Muhametit
PËRKUJTOJMË “BETEJËN E KOSHARËS”
Sa herë që vjen prilli, na përkujton Betejën e lavdishme të Kosharës që zhvilluan bijtë tanë të shtrenjtë më 1999, për të luftuar kundër forcave barbare serbe, të cilët dhunshëm patën vënë edhe vijë ndarëse mes shqiptarëve. Edhepse të pabarabartë në numër dhe arsenal luftarak, me ndihmën e Zotit të Madhëruar, nëpër borë e shi, me vullnet të jashtëzakonshëm, njësitet e UÇK-së të kësaj zone korrën fitore, duke u sakrifikar për liri: dëshmorë, të plagosur, dhe ata që u lodhën së tepërmi, por rezistuan dhe mbeten gjallë.
Nga atëherë, kufiri artificial u rrënua, njëherë e përgjithmonë, por ndjejmë dhembje që ideatorët kryesorë të kësaj beteje: Agim Ramadani, Sali Çeku, Abaz Thaçi…etj., së bashku me dëshmorët e tjerë nuk janë në mesin tonë.
Në këtë betejë qe plagosur edhe shoku, njëherit kusheriri im i nderuar Nesim Nesimi, nga Bresana, luftëtar i njësitit “BDV Delta forcë”. Nesimi u plagosë rëndë nga një snajperist i forcave serbe në krahun e djathtë, më: 28.04.1999, te vendi i quajtur “Rrasa e Zogut”.
Gjatë muajve: maj, qershor 1999 u mjekua dhe shërua në Spitalin Ushtarak të Tiranës. Respekt.
Zoti xh.sh. i shpërbleftë me xhenetin Firdeus.
Beteja e Koshares u zhvillua më 9 prill të vitit 1999 në kuadër të operacionit “Shigjeta”, është njëra ndër më të përgjakshmet dhe më heroiket e luftës së Ushtrisë Çlirimtare të Kosovës.
Thyerja e kufirit në mes të Kosovës dhe Shqipërisë më 9 prill të ‘99-së, shënoi jo vetëm një fitore morale për UÇK-në, por ajo i hapi rrugë furnizimit me armatim dhe mbështetje logjistike për shumë zona të luftës në brendësi të Kosovës. Triumfi i luftëtarëve nga mbarë trojet e Kosovës, të bashkuar në Brigadën 138, në krye të së cilës ishte komandanti Agim Ramadani, bëri që të shembet muri gati njëqindvjeçar i vënë në mes të Kosovës dhe Shqipërisë. Beteja e Koshares ishte njëra ndër hallkat më të fuqishme në zinxhirin e pakëputshëm të historisë kombëtare dhe si e tillë do të përkujtohet gjithmonë ndër shqiptarë.[2]
Më 9 prill, 120 pjesëtarë të Ushtrisë Çlirimtare të Kosovës thyen kufirin dhe sulmuan batalionin e 53-të kufitar të Brigadës 125 jugosllave, e cila përkrahej nga policia serbe, paramilitarët serbë d/he mercenarët rusë. Luftimet e ashpra zgjatën tërë ditën. Nga UQK ranë dëshmorë 4 dhe u plagos 1, kurse ushtria serbe la 23 të vrarë.
Rëndësia
Beteja e Koshares është një ndër betejat më të mëdha të Ushtrisë Çlirimtare të Kosovës dhe Ushtrisë së RF të Jugosllavisë. Palët në këtë betejë kanë qenë të pabarabarta, por UÇK, ka pasur përparësi strategjike, pasiqë beteja është zhvilluar në kufirin me Shqipërinë administrative. Furnizimi ka qenë në nivel, e gjithashtu edhe morali i luftëtarëve ka qenë i lartë. Ushtria jugosllave ka qenë e ndihmuar edhe nga mercenarët e vullnetarët rus e sllavë të tjerë.[5] Triumfi i luftëtarëve nga mbarë trojet e Kosovës, të bashkuar në Brigadën 138, në krye të së cilës ishte komandanti Agim Ramadani, bëri që të shembet muri gati njëqindvjeçar i vënë në mes të Kosovës dhe Shqipërisë. Prandaj ish-luftëtarët e kësaj beteje, luftën kundër forcave ushtarake e policore serbe në Koshare e konsiderojnë si një betejë historike të luftës së UÇK-së.
