Dragash, 13 korrik 2016 – Në prezencë të kryesusit të Zyrës së BE-së në Kosovë z. Chirstof Stock, përfaqësueses të zyrës antenë të JTS-së, Kryetarit të Komunës z. Salim Jenuzi, ekipeve të projektit nga Komuna e Dragashit dhe Komuna e Gostivarit dhe shumë të pranishëm, sot u bë përmbylllja e projektit të financuar nga Bashkimi Evropian dhe të realizuar nga Komuna e Dragashit dhe Komuna e Gostivarit.
Në kuadër të këtij projekti 18 mujor u realizuan aktivitete të shumta si ndërtimi i shtigjeve për ecje në katër lokacione atraktive në Komunën e Dragashit, themelimi i zyrës informuese për turistë, organizimi i panairit të përbashkët të gastronomisë, themelimi i komitetit të përbashkët bashkëpunues nga dy komunat e targetuara dhe punimi i pakos së materialeve promovuese për ofertën turistike të vendit.
Gjatë ceremonisë përmbyllëse të projektit u bë hapja zyrtare e zyrës informuese dhe shtegut për ecje në fshatin Zgatar. Gjithashtu u prezatuan edhe disa pika artisitke kulturore si dheu servua ushqim tradicional i vendit.
© Opoja.net
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
