Ramazani është muaji i rritjes shpirtërore, mirëpo ky muaj paraqet edhe rritjen mentale dhe emotive. Në vijim gjenden pesë përfitimet e agjërimit:
1. Agjërimi rrit sinqeritetin ndaj Allahut dhe sjell fatin e vërtetë
Siç kam përmendur në librin tim “Si të jesh musliman i lumtur”, inshaAllah burim i vërtetë i lumturisë paraqet marrëdhënia jote me Allahun, që bazohet në adhurimin e Tij.
Agjërimi paraqet një ibadet të veçantë. Allahu i Madhëruar në një hadithi kudsi thotë: “Agjërimi është i Imi dhe Unë shpërblej për të.”
Dijetarët Islam kanë dhënë shumë mendime përse Allahu i Madhëruar thotë që agjërimi është i Tij. Disa thonë se agjërimi nuk mund të ekspozohet, dhhe vetëm Allahu i Madhëruar e kush në të vërtetë agjëron. Të tjerët thonë, fjalë ‘vetëm i imi’ ka për qëllim të theksoj se agjërimi është ibadet mjaftë i dashur tek Allahu i Madhërishëm.
Agjërimi është i rëndë dhe dëshmon besimin tuaj të sinqertë në Allahun e Madhërishëm. Hulumtimet psikologjike dëshmojnë se sjelljet tona tregojnë karakterin tonë, ndaj agjërimi është ai që na formon si besimtarë të sinqertë.
2. Agjërimi shton vetë-respektin
Vetë-respekti është ajo që ne ndjejmë në vete, ndjenja jonë e vlerës. Vetë-respekt i madh ka ndikim të drejtpërdrejtë në lumturinë tonë të brendshme.
Agjërimi i komplet muajit Ramazan është e arritur e madhe. Ngase për çdo ditë kur përfundojmë agjërimin me iftar, me ndjejmë një fitore të madhe. Jo vetëm që i jemi nënshtruar urdhrit të Allahut të Madhëruar, por ne i nënshtrojmë epshet tona fizike. Duhet pas mendim të mirë rreth vetes ngase jetojmë që të arrijmë kënaqësinë e Allahut të Madhëruar, në vend të kësaj jete materialiste të cilën e zgjedhin shumica e njerëzve.
“Pasuria dhe djemtë janë stoli e jetës së kësaj bote. Por veprat e mira që mbeten përherë, janë më të mira te Zoti yt sa i përket shpërblimit dhe, janë më të mira sa i përket shpresës (për shpëtim).” [El-Kehf, 46]
3. Agjërimi shton ndjenjën e falënderimit
Përjetimi i periudhave të gjata në uri dhe etje, na jep të kuptojmë çfarë begatie na është dhënë në ushqim. Falënderimi është një mirësi e rëndësishme psikologjike, në arritjen e kënaqësisë së Allahut të Madhëruar.
O besimtarë! Hani nga ushqimet e lejuara që ju kemi dhënë dhe, nëse jeni adhurues të Allahut, falënderojeni Atë! [El Bekare, 172]
“…por kënaqet me ju, nëse e falënderoni…” [ez-Zumer, 7]
4. Agjërimi shtonë marrëdhëniet tina shoqërore
Hulumtimet psikologjike dëshmojnë se marrëdhëniet pozitive shoqërore janë të domosdoshëm për shëndetin emocional. Islami na nxit në iftare të përbashkëta. Agjërimi shton ndjenjën e bashkësisë për ummetin tonë. I Dërguari i Allahut salAllahu alejhi ues-sel-lem na nxit në iftare të përbashkëta me fjalët: “Kush i përgatit iftar agjëruesit, do ta ketë shpërblimin e agjëruesit ndërsa këtij nuk i pakësohet asgjë.”
5. Agjërimi e shtonë vetëdijen dhe vetëkontrollin tonë
I Dërguari i Allahut salAllahu alejhi ues-sel-lem ka thënë: ‘Kush nuk eviton fjalët dhe veprat e këqija, nuk ka nevojë të privohet nga ushqimi dhe pija.”
Agjërimi konsiston në vetëkontrollin e asaj që themi dhe veprojmë. Është normale që të ndjejmë dobësi kur agjërojmë për shkak të nevojave tona biologjike. Por vetëdija e atyre ndjenjave na ndihmon në vetëkontroll.
Vetëdija është një gjendje e rëndësishme psikologjike meqë na ndalon nga veprimet e papëlqyeshme për të cilat më vonë do të pendoheshim. Vetë-kontrolli është cilësi e njerëzve të pjekur dhe shëndosh emotiv.
kujtesë e përfitimeve psikologjike nga agjërimi do të na ndihmon që agjërimin ta duam akoma më tepër.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
