|
½ kg
|
Miell (tip 500)
|
|
300 ml
|
Ujë
|
|
500 g
|
Mish të bluar
|
|
500 g
|
Qepë
|
|
Vegetë, piper të zi, kripë
|
|
|
150 ml
|
Vaj
|
Miellin e vendosim në tavolinën e punës. Ia hapim një vrimë në mes, në të cilën e shtojmë ujin e përzier me kripë. E përziejmë deri sa të kemi masë të fortë brumi. E ngjeshim për 10 minuta. Pasi të kemi fituar brumin e dëshiruar, e mbulojmë me një pecetë të pastër dhe e lëmë të rrijë për rreth 30 minuta.
Grijmë të gjitha qepët. Ndërkohë një tigan të thellë e vendosim të ngrohet vaji. Fillimisht i shtojmë qepët derisa të skuqen paksa. Sipër e shtojmë tërë mishin e bluar, me vegetë, piper të zi dhe kripë. I përziejmë derisa të mos mbetet aspak mish i papjekur.
E lëshojmë furrën në 180 gradë C.
Pasi brumi të ketë pushuar, fillojmë t’i hapim petët. Tavolinën e punës e spërkasim me pak miell dhe tavën për pjekje e lyejmë me pak vaj.
I ndajmë kuleqët nga brumi, afërsisht katër për petën e poshtme dhe katër për të sipërmen. Kur t’i shtrijmë katër petët për poshtë, një nga një i vendosim në tavë, dhe ndërmjet vetes i lyejmë me vaj. Ia shtojmë tërë mishin, dhe më pas i hollojmë edhe petët për mbulim dhe veprojmë njejtë sikur me petët për bazën.
E pjekim për rreth 40 minuta apo sa të ketë marrë ngjyrë të artë.