Qendra për Integrim dhe Zhvillim në Dragash me datë 27.05.2015 e mbeshtetur nga OSCE publikoi rezultatin e përformancës së delegateve të kuvendit komunal të Dragashit për punën individuale të 27 anëtarëve dhe subjekteve politike të përfaqësuara në këtë kuvend për periudhën Janar – Dhjetor 2014.
Sipas publikimit të OJQ-së CIDD, del se anëtarët që kanë treguar rezultate më të mira në të gjitha kategoritë në Kuvendin e Komunës së Dragashit janë: Samidin Xheladini dhe Velid Hadzisin (LDK dhe VAKAT) me nga7.71%, Nexhat Isufi (BD) me 7.52 %, Bahtijar Berisha (LDK) me 7.52 % të vlerësimit të përgjithshëm, e kështu me radhë. Anëtarët që kanë treguar rezultat më të dobët në të gjitha kategoritë janë: Mersiha Memisi (CDU), Arjeta Skeraj (LDK), Melisa Sola (CDU), Shqipe Halili (LDK) e kështu me radhë.
Gjatë vitit 2014 anëtaret e Kuvendit komunal të Dragashit kanë ngritur 61 çështje të ndryshme, ku rreth 40% e tyre kanë qenë çështje procedurale. LDK prinë me 11 çështje të iniciuara, e pasuar nga PDK me 10. Përfaqësusja e CIDD Znj. Pëllumbesha Bajraktari potencoi se kuvendaret kanë parashtruar gjithsej 48 pyetje parlamentare, ku prin LDK me 15 pyetje, pastaj PDK me 9, AKR me 6.
Monitorimi i kuvendit komunal të Dragashit nga OJQ CIDD gjatë vitit 2014 është bërë vullnetarisht dhe ka pasur për qëllim që qytetarin e komunës sonë ta mbaj sa më të informuar lidhur me proceset që zhvillohen në kuvendin e zgjedhur nga ta. Qëllimi i këtij publikimi është informimi i pa anshëm dhe objektiv i qytetarëve të komunës sonë rreth punës që bëjnë të përzgjedhurit e tyre.
Pasi që ky publikim është i pari i këtij formati për OJQ-në CIDD, ne kërkojmë falje për ndonjë lëshim eventual, si gjatë procesit të monitorimit gjithashtu edhe për ndonjë gabim të mundshëm teknik gjatë këtij publikimi. (Opoja.net)
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
