Qendra e VV-së në Dragash kërkon shkarkimin e Seljman Osmanit

Opoja
Qendra e VV-së në Dragash kërkon shkarkimin e Seljman Osmanit

Përmes një deklarate në faqen zyrtare të Facebook-ut, Qendra e Lëvizjes Vetëvendosje! në Dragash ka kërkuar shkarkimin e zëvendëskryesuesit të Kuvendit Komunal, Seljman Osmanit, i cili, sipas kësaj Qendre, “është përkrahës, e qe besa edhe pjesëtar i sistemit paralel serb, i cili funksionon përmes strukturave paralele, pjesë e të cilave është edhe aktualisht Seljman Osmani.”

Qendra e VV-së në Dragash ka publikuar në faqen e saj edhe fotografi ku Seljman Osmani kishte shpërndarë postime në Facebook, në mbështetje të Marko Gjuriqit, duke theksuar se në postimet e tij Osmani i referohet Kosovës si ‘Kosovo Metohija’.

Vetëvendosje në Dragash ka paralajmëruar kërkesë për seancë të jashtëzakonshme të Kuvendit Komunal në Dragash, ku do të bëjnë thirrje për shkarkimin e zëvendëskryesuesit dhe asambleistit të JGP-së, Seljman Osmanit.

“Ne si Qendër e VETËVENDOSJE!-s, përmes asambleistit tonë në kuvendin komunal, do të inicojmë një seancë të jashtëzakonshme për të kërkuar shkarkimin e tij nga pozita e cila iu delegua nga partitë në pushtet. Kush do ta mendonte që 20 vite pas luftës çlirimtare të Kosovës, në pozita udhëheqëse të saj do të vinin persona që luftuan e ende luftojnë pavarësinë e integritetin territorial të Republikës. Ç’është më e keqja, kush do ta mendonte që këta persona do të bashkëpunojnë e bashkëudhëheqin, pikërisht me ata që u thirrën në emër të luftës”, thuhet në reagimin e Qendrës së Lëvizjes Vetëvendosje në Dragash./Opoja.net

[the_ad_group id="421"]

Fillojnë punimet në ndërtimin e “Kroit të Satos” në Bellobrad

Opoja.net

122 të infektuar me “COVID-19” në Dragash, pasqyrohen rastet aktive, të shëruarit dhe vdekjet

Opoja.net

Mungon i pandehuri, shtyhet seanca për mashtrim të qytetarëve me anë të “Instagramit”

Opoja.net

Këto janë rregullat në oborrin e shkollës, brenda shkollës dhe në klasë

Opoja.net

Hapen shkollat, nxënësit me maska (VIDEO)

Opoja.net

Peng i prokurimit, 15 fshatra të Dragashit që pesë vjet pa ujë të pijshëm (Video)

Opoja.net
Agjencia e Lajmeve
www.opoja.net