Opoja.net

Qytetarët pastrojnë, Komuna shpenzon: Mbi 65 mijë euro të raportuara si shpenzime për mirëmbajtjen e rrugëve dimërore

Qytetarët pastrojnë, Komuna shpenzon: Mbi 65 mijë euro të raportuara si shpenzime për mirëmbajtjen e rrugëve dimërore

Komuna e Dragashit, në raportin për realizimin e buxhetit për periudhën e tremujorit të parë të këtij viti, ka deklaruar se ka shpenzuar 65,974.48 euro për ‘mirëmbajtjen e rrugëve dimërore’.

Ndonëse në tre muajt e parë të vitit 2019, sipas raportit, nuk ka pasur asnjë investim kapital, për arsye se projektet kanë qenë ende në fazën e hartimit dhe prokurimit, shuma e mjeteve që ishte shpenzuar gjatë kësaj periudhe nga kjo kategori buxhetore ishte e madhe.

‘’Shpenzime për investime kapitale, në periudhën raportuese janë 65,974.48 euro. Shpenzime për investime kapitale në këtë periudhë nuk ka pasur, projektet janë në fazën e hartimit dhe prokurimit. Kjo shumë është shpenzuar për mirëmbajtjën e rrugeve dimërore’’, thuhet në këtë raport.

Ndërkohë, qytetarët e Komunës së Dragashit nëpër të gjitha fshatrat, gjatë dimrit ishin mobilizuar në shumë raste me vetëiniciativë për pastrimin dhe mirëmbajtjen e rrugëve, si pasojë e shërbimeve jo të kënaqshme nga Komuna, e cila thotë se ka shpenzuar gjithë këto para për ‘mirëmbajtjen e rrugëve dimërore’./Opoja.net

Të enjten mot më i ngrohtë, kryesisht i kthjellët dhe me diell

Opoja.net

Më të votuarit e LDK-së në Dragash, Hoti i treti

Opoja.net

DKA në Dragash, sot ka organizuar mbajtjen e garave “Olimpiada Matematike”

Opoja.net
Agjencia e Lajmeve
www.opoja.net