Opoja.net

Rënia e bllokut B1 vështirëson furnizimin me energji elektrike në Dragash

Lajme Opoja
Rënia e bllokut B1 vështirëson furnizimin me energji elektrike në Dragash

Gjatë këtyre tre ditëve 7,8,9 janar 2016, në Komunën e Dragashit ka pasur nderprerje me orë të tera të energjisë elektrike, nga kjo nderprerje e energjisë KEDS-i vjen më këtë njoftim:

KEDS  njofton se mbrëmë rreth orës 22:00 ka rënë nga sistemi njësia B1 e Termocentralit Kosova B që menaxhohet nga KEK-u. Rënia e papritur e këtij blloku ka krijuar mungesë të menjëhershme të 260 megavatë/orë energji elektrike.

Kjo ka rënduar furnizimin me energji elektrike, kur dihet se kjo njësi përbën rreth 35 për qind të prodhimit aktual.

Në këtë rast duhet të rikujtojmë konsumatorët se importi i menjëhershme në rast të devijimit nga plani i furnizimit nuk i takon dhe nuk është përgjegjësi e KEDS-it, por e Operatorit të Tregut (KOSTT).

KEDS fillimisht ka nisur të importojë menjëherë 70 megavatë/orë energji elektrike, por kjo sasi është e pamjaftueshme të mbulojë tërë kërkesën. Ndërkohë  KEDS ka nisur procedurat e importit shtesë, dhe me gjithë vështirësitë e shkaktuara nga moti i keq ka arritur të sigurojë importin shtesë që stabilizon furnizimin me energji.

Megjithatë të gjitha kompanitë e hallkës së sistemit energjetik të Kosovës janë të mobilizuara që situata të tilla të tejkalohen sa më lehtë dhe sa më shpejtë.

Në të njëjtën kohë KEDS falënderon të gjithë konsumatorët për mirëkuptimin e tyre nga mungesa e furnizimit me energji, e shkaktuar nga rënia e papritur e bllokut B1.

Ermal Bojaxhiu nga Plava, pjesë e Bundesligës gjermane

Fari Kolloni

MEKA shpërndan pako simbolike për nxënësit e Gjakovës

Opoja.net

Sot në Dragash tre të infektuar me Covid-19

Fari Kolloni
Agjencia e Lajmeve
www.opoja.net