Komuna e Dragashit ditën e djeshme ka shpallur për herë të dytë njoftimin për kontratë, ku planifikohet të investohet në pastrimin dhe rregullimin e Liqenit të Breznës. Vlera financiare që komuna ka paraparë të shpenzojë në këtë projekt është 40 mijë euro.
Në këtë projekt do të punohet në ndërtimin e portës shkarkuese dhe kanaleve devijuese, ndërtimin e shtigjeve për ecje, rregullimin e ndriçimit dhe disa punë të tjera.
Afati i fundit për aplikim do të jetë 16 nëntori. Kontrata e mëhershme ishte anuluar nga Komuna e Dragashit me arsyetimin se nga operatorët ekonomikë ishte tejkaluar shuma buxhetore e caktuar nga autoriteti kontraktues./Opoja.net
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
