Në takim me qytetarët e Opojës dhe Sharrit, zëvendëskryetari i PDK-së Kadri Veseli ka diskutuar rreth platformës politike të Misionit të Ri dhe rëndësisë së zgjedhjeve që do të mbahen më 8 qershor. Ai foli për mundësitë e zhvillimit të bujqësisë dhe të resurseve natyrore të Sharrit, si potenciale që rrisin ekonominë dhe shtojnë vende të reja të punës.
“Investimet në bujqësi nga viti 2007 deri në vitin 2013 janë shumëfishuar, nga 2 milionë kanë arritur në 29 milionë euro. Ndërsa në mandatin e ardhshëm, buxheti vetëm për bujqësinë, për çdo vit, do të jetë 125 milionë euro. Investim i konsiderueshëm do të bëhet pas bujqësisë edhe për turizmin rural e malor të kësaj zone. Investimi në këta sektorë do të jenë të përkrahur në mandatin e ardhshëm qeverisës të PDK-së në Sharr, ngase këta sektorë do të hapin vende të reja pune”, theksoi Veseli./publiku.net/Opoja.Net/
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
