Qeveria shqiptare i ka dhuruar 250 mijë euro Kroacisë, si ndihmë pas tërmetit të ditës së djeshme që goditi qytetin Petrinja, transmeton Anadolu Agency (AA).
Lajmin e ka bërë të ditur Kryeministri i Shqipërisë, Edi Rama, i cili nëpërmjet një postimi në rrjetet sociale ka publikuar edhe vendimin e qeverisë shqiptare.
Rama ndër të tjera në reagimin e tij shkruan se Shqipëria do t’i vijë në ndihmë Kroacisë për rilindjen e qytetit Petrinjës që u godit ditën e djeshme nga tërmeti.
“Sapo nënshkrova dekretin e Qeverisë së Shqipërisë për të dhuruar 250 mijë euro për Kroacinë vëllazërore për të ndihmuar rilindjen e Petrinjës pas tërmetit shkatërrues”, shkruan Rama.
Kroacia u godit dje nga një tërmet tragjik me magnitudë 6,3 të shkallës Rihter, që iu mori jetën të paktën 7 personave.
