Opoja.net

Shtabi Emergjent- Dragash merr masa të reja për parandalimin e infeksionit COVID-19

Shtabi Emergjent- Dragash merr masa të reja për parandalimin e infeksionit COVID-19

Sot është mbajtur mbledhja e dytë e Shtabit Emergjent të kryesuar nga Kryetari i Komunës së Dragashit , Shaban Shabani , në të cilën u vendos për marrjen e masave shtesë për parandalimin e infeksionit COVID-19:

1. Stacioni Policor në Dragash do të ofrojë asistencë sipas nevojës në zbatimin e vendimit të Qeverisë.

2.Sipas vendimit të qeverisë mbyllen kafeteritë, baret, pabet dhe restorantet, qendrat tregtare (me përjashtim të atyre që janë të liruar me udhëzues për biznese nga inspektoriati ) me përjashtim të farmacive dhe marketeve ushqimore;

3.Pezullohen të gjitha aktivitetet e parapara nga Komuna e Dragashit (diskutime publike) aktivitetet kulturore, sportive etj;

4.Ndalohen tubimet e çfarëdo natyre si masë preventive ndaj përhapjes së virusit;

5.Përveç mbylljes së tregut të kafshëve e automjeteve, mbyllet edhe tregu i gjelbër i qytetit të Dragashit; ;

6.Pezullohen punët me palë në Komunën e Dragashit, përjashtim rasteve urgjente;

7.Zyrtarët që punojnë me palë do të pajisen me mjete mbrojtëse dhe dezinfektuese;

8.Obligohen institucionet publike lokale që të lirojë nga puna zyrtarët me sëmundje kronike dhe shenja gripoze;

9.Obligohen marketet ushqimore, furrat dhe barnatoret që të lirojnë nga puna (me pagesë) punëtorët me sëmundje kronike dhe shenja gripoze;

10.Obligohen marketet ushqimore, furrat dhe barnatoret që të rrisin nivelin e higjienës dhe të dezinfektojnë hapësirat e punës;

11.Obligohen marketet ushqimore, furrat dhe barnatoret që gjatë orarit të punës të përdorin mjete mbrojtëse dhe dezinfektuese për secilin punëtor;

12.Inspektorati komunal vazhdon inspektimet në teren, për të inspektuar dhe ndaluar rritjen e çmimeve artificiale të produkteve;

13.Vazhdon masa për dezinfektimin e institucioneve shkollore, shëndetësore, kulturore, sportive etj;

14.Linja telefonike 029 281 094 e Qendrës Operative Emergjente Lokale, vazhdon të jetë në dispozicion për të gjithë qytetarët që mund të kenë probleme shëndetësore;

15.Inspektorati Komunal do të kujdeset për implementimin e vendimit të Qeverisë që institucionet publike dhe ato private të lirojnë njërin prind nga puna brenda kësaj periudhe të pezullimit të procesit mësimor.

Në Kukajan automjeti godet biçiklistin dhe ikën!

Opoja.net

Komuna e Dragashit deklarohet për vdekjen e 4-vjeçares

Opoja.net

Mbytet 4-vjeçari në Dragash, ra në lumë derisa po luante me shokët

Opoja.net
Agjencia e Lajmeve
www.opoja.net