Ndeshja e mbetur e xhiros së 12-të të Superligës së Kosovës në futboll ndërmjet Llapit dhe Dukagjinit do të zhvillohet sot në stadiumin “Zahir Pajaziti” prej orës 13:00, shkruan Demokracia.com.
Ky takim ishte shtyrë për shkak se Llapi zhvilloi ndeshjen e Superkupës “Kosovë-Diasporë” javën e kaluar.
Llapi dhe Dukagjini nuk fituan në fundjavë. Llapjanët humbën derbin kundër Prishtinës në kryeqytet (2:0), ndërsa Dukagjini ndali në barazim kampionin në fuqi, Ballkanin (1:1). Klinasit kanë nëntë pikë dhe zënë vendin e parafundit (9).
Sot me të drejtë pritet lojë e fortë pasi pikët për të dyja skuadrat janë tejet të nevojshme. /Demokracia.com
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
