Opoja.net

Udhëheqësit e komunës së Dragashit vizitë zyrtare në Austri (Foto)

Me ftesë të Ambasadës së Republikës së Kosovës në Vjenë kryetari i komunës së Dragashit Shaban Shabani i shoqëruar nga kryesuesi i kuvendit komunal Betim Merdiu dhe zyrtari i lartë për bujqësi, turizëm dhe zhvillim rural Flamur Sylejmani, gjendën në një vizitë zyrtare disa ditore në Austri, të shoqëruar nga konzulli i ambasadës së Republikës së Kosovës z.Imer Lladrovci.

Në kuadër të agjendës delegacioni ynë ka marrë pjesë në :
-Në tubimin festiv kushtuar 10 vjetorit të pavarësisë së Republikës së Kosovës të organizuar nga Ambasada me pjesëmarrje të shumë personaliteteve politike dhe diplomatike.
-Po ashtu sot, kryetari i komunës ka pasur një takim zyrtar me kryetarin e qytetit të Linzit, z.Klaus Lunger. Pas këtij takimi kryetari ka takuar bashkatdhetarë të komunës së Dragashit që jetojnë dhe veprojnë në Linz.

248

Me çka po nxeheni në këto ditë të ftohta ?

Agjenda e kryetarit do të vazhdojë me:
– Takim më afaristë shqiptar që veprojnë në Austri,
– Takim me kryetarin e qytetit Ebensse, z.Sieller Markus,
– Takim zyrtar në qytetin Melk, z.Gerhard Schuberth,
– Takim me ambasadorin e Republikës së Kosovës në Vjenë z.Sami Ukelli,
– Takim me ambasadorin e Republikës së Shqipërisë z.Roland Bimo,
– Takim me studentë dhe bashkatdhetarë nga komuna e Dragashit qe jetojnë në Vjenë.

© Opoja.net

Agjencia e Lajmeve
www.opoja.net