Një polic ka ndërruar jetë në vendin e tij të punës në pikën kufitare në Jarinje.
Polici, Rexhep Sejdiu ka vdekur sot teksa shërbente në pikën kufitare në Jarinje.
Sejdiu ka ndërruar jetë në vendin e punës në Jarinje, gjatë kohës që ishte në ndërrimin e natës.
Vdekjen e policit në vendin e punës e ka konfimruar për Portalin Dukagjini edhe zëvendësdrejtori i Policisë në Veri, Veton Elshani.
Ai thotë se polici Sejdiu ishte duke shërbyer në pikën kufitare në Jarinje dhe gjatë ndërrimit të natës ka ndërruar jetë. Sipas tij, kolegët e kishin gjetur pa shenja jete disa orë pasi ishte shtrirë për të pushuar.
“Rreth orës 07:20 është gjetur i vdekur zyrtari policor, gjatë ndërrimit në Jarinje. Kolegët e kanë gjetur të vdekur, disa orë pasi ishte shtrirë për të pushuar”, ka thënë Elshani.
Polici tashmë i ndjrë ishte pjesë e Njësive Speciale të Policisë Kufitare.
Ndërsa, mësohet se trupi i pajetë është dërguar për obduksion në Institutin e Mjekësisë Ligjore dhe varrimi pritet të bëhet nesër.
