Zemaj fton nxënësit dhe mësimdhënësit të respektojnë masat anti-COVID

Merlinda Guraj Merlinda Guraj Kosova

Ministri në detyrë i Shëndetësisë, Armend Zemaj, me rastin e fillimit të mësimit në gjysmëvjetorin e dytë, ka ftuar prindërit, nxënësit dhe personelin arsimor që të kenë kujdes dhe t’i respektojnë masat anti Covid, duke vazhduar ta ruajnë shëndetin personal dhe shëndetin e të tjerëve.

Zemaj, përmes një postimi në Facebook, ka thënë se edhe ky gjysmë vjetor, ka vështirësitë e veta sepse virusi gjendet në mesin tonë.

Postimi i plotë i Zemajt:

“Të nderuar prindër, nxënës dhe personel arsimor,

Me rastin e fillimit të mësimit në gjysmë vjetorin e dytë, duke ju falënderuar për bashkëpunimin e vazhdueshëm, ju uroj sukses.
Çdo ditë, në çdo situatë ju ftoj që të keni kujdes dhe respektoni masat anti Covid, të vazhdojmë së bashku ta ruajmë shëndetin personal dhe shëndetin e të tjerëve.

Edhe ky gjysmë vjetor, ka vështirësitë e veta sepse virusi gjendet në mesin tonë, andaj të gjithë të angazhohemi, secili në detyrat dhe përgjegjësitë e veta, në respektimin e masave parandaluese ndaj virusit.

Paçim vit shkollor sa më të suksesshëm!”, ka shkruar Zemaj.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-