Një shtëpi në fshatin Kuk të Dragashit mbrëmë është përfshirë nga zjarri dhe si pasojë janë konsideruar dëme të konsiderueshme materiale, raporton Gazeta Sinjali.
Sinjali mëson se sipas pronarit, zjarri ka filluar të dalë nga oxhaku i shtëpisë, për shkak të izolimit jo të mirë. Atij në ndihmë i dolën banorët e fshatit, të cilët kanë bërë përpjekje që të lokalizojnë dhe të fikin zjarrin që kishte kapluar kulmin e shtëpisë.
Në vendin e ngjarjes kanë dalë njësitë relevante, por zjarrfikësit nuk kanë intervenuar për shkak se zjarri tashmë ishte lokalizuar nga fshatarët.
Sipas pronarit të shtëpisë, atij i janë shkaktuar dëme në vlerë rreth 10 mijë eurove.
Me urdhër të prokurorit, rasti është cilësuar ‘Incident zjarri’.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
