Tashmë nuk ka më dyshime.
Stadiumi i qytetit të Napolit nuk do të quhet më San Paolo por Diego Armanda Maradona.
Kryetari i bashkisë së Napolit njoftoi sot lajmin, duke zyrtarizuar gjithçka që kishte paralajmëruar pak ditë më parë.
Po mendoheshin disa versione të emrit si: “Stadio Comunale Diego Maradona”, ose “Arena Diego Maradona”, por në fund u vendos për emrin e plotë të legjendës.
Kryebashkiaku Luigi De Magistris e njoftoi vendimin këtë mbrëmje përmes faqes së tij zyrtare në Instagram.
“Ka disa ide të mrekullueshme, por në fund të ditës, vendosëm që emri të jetë: Stadio Diego Armando Maradona”.
Një lajm ky që gëzon të gjithë tifozët e Napolit pas ndarjes nga jeta të legjendës, Diego Armando Maradona vetëm pak ditë më parë.
Ndërkohë që sfida mes Napolit dhe Romës e vlefshme për javën e 9-të të Serie A nisi me homazhet në nder të ish-sulmuesit argjentinas.
The post Zyrtare: Stadiumi i Napolit merr emrin e legjendës Maradona! appeared first on FaktePlus.
