Opoja.net

Faton Piraj, opojani që bëri shpikjen gjeniale për motorin “Porsche”

Opoja Personazhe
Faton Piraj, opojani që bëri shpikjen gjeniale për motorin “Porsche”

Mekanizmi konstruktiv, që prej mbi 10 vitesh, me sukses e përpunon edhe sot e kësaj dite vrimën e motorit (që e mundëson shpejtësinë e sigurtë deri mbi 330 km/h), është konstruktuar nga Faton Piraj, opojani nga fshati Plavë, komuna e Dragashit. Pra është ky opojani që e bëri ‘Porsche’-në me ‘gjak shqiptari’ në brendinë e sajë, shkruan Opoja Sot.

Faton Piraj jeton në Vjenë të Austrisë. Ai ka studiuar për inxhieneri mekanike dhe punon në industrinë e veturave luksoze. Piraj ëshë modest për shpikjen, të bërë që para 10 viteve dhe me krenari e thotë fjalinë “Atdhetar mund të bëhesh edhe ndryshe”.

“Motori i veturave moderne ‘Porsche’ e ka nje vrimë të shkallëzuar, në të cilën eshte i pozicionuar boshti i kollodokut (boshti ku lidhen manivelat e pistonave të motorit). Kjo vrimë, që përbëhet nga disa pjesë, ka saktësinë (tolerancën) aksiale e cilindrike nën 0,005 mm, pra nën 5 të mijtat e milimetrit (saktësi shumë e lartë shkaku i rrotullimeve të larta të motorit me mbi 6700 rrotullime në minutë). Për ta hapur dhe përpunuar këtë vrimë nuk mjaftonin kushinetat (llagerat) standarde e as ato speciale mekanike, ku do të vendosej vegla boshtore gdhendëse, shkaku i saktësise së tyre të pamjaftueshme (mbi 0,005mm)”, thotë inxhinieri Piraj.

U desht pra shpikja dhe vetkonstruimi i ca kushinetave hidraulike për ta arritur këtë saktësi shkencore. Sfidë e rëndë shkencore dhe tensione të larta nervash, para se cilës gati se u patën dorëzuar personelit udhëheqes të ‘Porsche’-së. Ngadhnjimi i kësaj sfide e përmirësoi ‘jetën’ e veturës së sotme moderne ‘Porsche’ (çmimi i saj është mbi 250.000 euro). Nje sfidë tjetër ishte edhe shuarja e dridhjeve të veglës, që i shkaktonte materiali jo i bollshëm në ato pjesë.

I thjeshtë deri në fund. I tërë ky sukses për intelektualin Piraj nuk ka ndonjë “aha efekt” të madh, por ai me dashuri e krenari e thotë se “Shqiptaria është e para që duhet përkrahur. Në bazë të sajë ne edhe mund të ekzistojmë dhe të punojmë. Pa të mund të jemi gjithçka, por kurrë krenar”. /Opoja Sot

Loading...

Mos i humb

Bashkësia Islame e Kosovës publikon listën e kontribuesve për të prekurit nga tërmeti në Shqipëri

Opoja.net

Këshilla të vlefshme: Si t’ia dilni gjatë vozitjes në mjegull

Opoja.net

Ndërron jetë profesori prizrenas Nexhmedin Ramadani

Opoja.net

Bora mbulon Opojën

Opoja.net

Sot mot me diell, por ftohtë

Opoja.net

4 Familje nga Durrësi vendosen në një shtëpi në Brezne të Dragashit

Opoja.net
Agjencia e Lajmeve
www.opoja.net