Juria profesionale për përzgjedhjen e fotografive më të mira nga gara e fotografisë më të mirë në bujqësi 2016, ka kryer vlerësimet duke përzgjedhur 100 fotografitë më të mira, në mesin e të cilave 10 edhe do të marrin shpërblimet sipas vendimit për hapjen e garës.
Juria ishte në përbërje të Ridvan Slivoves, fotograf, Kushtrim Ternava, fotograf dhe Leonora Arifi, shefe e divizionit për informim në MBPZHR.
Dhjetë fotografitë më të mira do të shpërblehen financiarisht. Vendi i parë do të shpërblehet me 800 euro, vendi i dytë me 500 euro dhe vendi i tretë me 300 euro. Ndërkaq nga vendi i katërt deri të vendi i dhjetë do të shpërblehen me nga 100 euro. Të gjitha 100 fotografitë do të përfshihen në një album promovues për bujqësinë në vend.
Në ditët e ardhshme, çmimet do t’iu ndahen edhe zyrtarisht fituesve si dhe do të promovohet albumi me fotografi. Ky është edicioni i dytë i kësaj gare.
Ne kete link jane te gjitha fotografite e perzgjedhura nga juria: http://www.mbpzhr-ks.net/sq/toka-jone-2016
Më poshtë mund t’i gjeni 10 fotografitë fituese:
Vendi i parë – Ardian Zullufi
Vendi i dytë – Riola Morina
Vendi i tretë – Agon Nimani
Vendi i katërt – Besnik Hamiti
Vendi i pestë – Arian Mavriqi
Vendi i gjashtë – Sefer Aliqkaj
Vendi i shtatë – Bujar Gashi
Vendi i tetë – Arben Llapashtica
Vendi i nëntë – Drenusha Lika
Vendi i dhjetë – Bleron Caka
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
