Opoja.net

A duhet që fëmijët të kthehen në shkollë pa përfunduar një pandemi?

Kultura
A duhet që fëmijët të kthehen në shkollë pa përfunduar një pandemi?

Në Danimarkë, shkollat po jetojnë me norma të reja. Nxënësve të klasave të ndryshme u jepet një hyrje e veçantë, pas së cilës ata ndjekin një sistem një-drejtimësh drejt dhe nga klasat e tyre, në mënyrë që të mos “fërkohen” me të tjerët në shkallët dhe korridoret.

Sapo futen në klasë, çdo fëmijë ka një tavolinë dyshe i vetëm, duke siguruar një distancë prej dy metrash nga njëri-tjetri.

Dhe ashtu si të gjithë ne, ata janë mësuar të lajnë duart – shumë herë.

Sa i përket kohërave të pushimit, mësuesit e Danimarkës u takon të bëhen oficer policie kur bëhet fjalë për ruajtjen e rregullit dy metrash.

Dhe derisa askush nuk do të argumentojë që sistemi i ri është ideal, por po funksionon, shkruan Euronews, përcjell Telegrafi.

Belgjika tashmë i është bashkuar Danimarkës dhe shumë të tjerë në rihapjen e shkollave fillore dhe të mesme – me ato kushte të rrepta natyrisht.

Por, në vendet e tjera, kërkesat po rriten që nxënësit të kthehen në klasë; më së shumti në Francë dhe Angli.

Diskutimet midis sindikatave dhe këshilltarëve shkencorë të qeverisë u zhvilluan të premten në Britani.

Sidoqoftë, takimi ishte jokonkluziv dhe kritikët e planit të qeverisë thanë se ngriti më shumë pyetje sesa përgjigje.

Mësuesit atje, si gjetkë, janë të brengosur që fëmijët do të “kapin” dhe ndihmojnë në përhapjen e coronavirusit; për nxënësit e tjerë, për veten e tyre dhe në fund të fundit për familjarët e tyre.

Ata gjithashtu pretendojnë se është gati e pamundur të mbash fëmijët e vegjël në një distancë të sigurt nga njëri-tjetri.

Dhe Qeveria e Mbretërisë së Bashkuar ka pranuar që ka rreziqe.

Michael Gove, një ministër i kabinetit – dhe ish Ministër i Arsimit – tha në fundjavë: “Mënyra e vetme për të siguruar që kurrë të mos prekeni nga coronavirusi është të qëndroni plotësisht në shtëpi. Gjithmonë, gjithmonë, gjithmonë, në çdo humbje të këtyre kufizimeve, ekziston rreziku që njerëzit të preken nga coronavirusi”.

Megjithatë, disa argumentojnë, shkollat janë në ekuilibër mjaft të sigurta.

Një studim i Qendrës Kombëtare për Kërkimin dhe Mbikëqyrjen e Imunizimit, i cili u përqendrua në rastet e COVID-19 në shkolla në Uellsin e Ri Jugor, thotë se “fëmijët nuk janë nxitësit kryesorë të COVID-19 të përhapur në shkolla ose në komunitet”.

Grupi tha që gjetjet e tij ishin në përputhje me studimet e tjera që kishin ilustruar një përhapje të kufizuar midis fëmijëve dhe nga fëmijët tek të rriturit.

Sa i përket coronavirusit të ri, ka sasi gjithnjë e më të mëdha të të dhënave dhe provave, por, deri më tani, nuk ka përgjigje përfundimtare.

Dhe jo të gjitha vendet po lejojnë që shkollat të kthehen.

Për shembull, Italia ka thënë se nxënësit nuk do të kthehen në shkollë deri në shtator. Dhe madje edhe në Mbretërinë e Bashkuar, Irlanda Veriore dhe Skocia nuk po e ndjekin Anglinë, përcjell Telegrafi.

Por, ka rreziqe dhe dëmtime të bëra nga mos rihapja e shkollave.

Le të shohim së pari ekonominë. Nëse shkollat janë të mbyllura dhe kujdesi për fëmijët është i kufizuar, shumë prindër thjesht nuk mund të shkojnë në punë.

Një studim i vitit 2009 që modelon efektet e mbylljes së të gjitha shkollave dhe qendrave zyrtare të kujdesit ditor në Amerikë për një muaj, vendosi koston në 0,1-0,3% të PBB-së.

Dhe shkollat e mbyllura goditën edhe më të varfrit. Janë fëmijët që jo gjithmonë kanë mbështetjen e nevojshme në shtëpi. Janë ata fëmijë që kanë më pak të ngjarë të kenë kompjuterë, libra dhe prindër që mund të ndihmojnë.

Këtu nuk ka përgjigje të lehta. Rihapja e shkollave është padyshim një rrezik, por duket se është një rrezik i ekuilibruar dhe ai që mund (në afat të gjatë) të dëshmojë opsionin më pak të dëmshëm. /Telegrafi/

Loading...

Mos i humb

Kënga “Darsma Opojane” vjen premierë nga Masar Sinani (Videoklipi)

Opoja.net

Prizren: Hapet ekspozita e artistit Shahadin Mejzini në librarinë “Altera”

Opoja.net

Këngëtarët flasin pas vendimit të Qeverisë për ndalimin e tubimeve me më shumë se 50 persona

Opoja.net

Filmi ”Klithma” shpallet fitues i çmimit Best Cinematography në Bosnje

Opoja.net

Gold AG i drejtohet Edi Ramës pas takimit me Vuçiqin: Mos mendo se i biri i serbes të do më shumë sesa Ramushi

Opoja.net

Gold AG dhe Shyhrete Behluli sjellin klipin e këngës “Adem Jashari”

Opoja.net
Agjencia e Lajmeve
www.opoja.net