Opoja.net

Arsenali është gati të shpenzojë 60 milionë euro për një mbrojtës

Arsenali është gati të shpenzojë 60 milionë euro për një mbrojtës

Arsenali është njëra nga skuadrat që ka befasuar më së shumti për të keq këtë edicion në Angli.

Londinezët pas 12 ndeshjeve të zhvilluara e shohin vetën në pozitën e 15-të në tabelë me vetëm 13 pikë.

Forma e dobët dhe problemet në repartin defensivë kanë bërë që trajneri Mikel Arteta të mendojë për përforcime të mëdha në janar.

Emri i parë në listën e trajnerit spanjoll është ai i mbrojtësit të Villarealit, Pau Torres.

Qendërmbrojtësi 23-vjeçar po vlerësohet jashtëzakonisht shumë në La Liga, pasi ka shkëlqyer në dy vitet e fundit me fanellën e ‘Nëndetëses së verdhë’.

Mirror ka raportuar se Topçinjtë janë të gatshëm të shpenzojnë 60 milionë euro në janar për transferimin e Torresit në ‘Emirates Stadium’.

Megjithatë skuadra londineze nuk do ta ketë aspak të lehtë afrimin e lojtarit, pasi klube tjera të mëdha interesohen për të.

Barcelona, Real Madrid, Liverpool e Manchester United gjithashtu kanë shprehur interesim për reprezentuesin spanjoll.

Torres këtë edicion ka luajtur në 14 ndeshje për Villarealin ku ka arritur të shënoj edhe dy gola.

Mbrojtësi i talentuar spanjoll ka dalë nga akademia e Villarealit, ku së fundmi është bërë edhe pjesë e formacionit bazë te Kombëtarja e Spanjës falë formës së mrekullueshme që është duke e kaluar.

Barcelona e shkatërron Chelsean dhe e fiton Ligën e Kampionëve

Opoja.net

Pritjes i vjen fundi, Prishtina kampion i Kosovës

Opoja.net

Fansi shqiptar i Bayernit, Alabas: Mos shko në Real, më mirë eja me mua në baushtellë (VIDEO)

Opoja.net
Agjencia e Lajmeve
www.opoja.net