Opoja.net

“Askush s’u kujdes për Maradonën, e lanë vetë të vdesë në një dhomë të vogël”

Mario Baudry, partneri i ish të dashurës së Diego Maradonës, Veronica Ojeda, ka thënë se vdekja e legjendës argjentinase ka mundur të shmangej, sikur njerëzit përreth tij të kujdeseshin siç duhet për shëndetin e tij.

Maradona vdiq të mërkurën e kaluar në moshën 60-vjeçare, pas një sulmi në zemër.

Ish-ylli i Barcelonës dhe Napolit dhe fituesi i Kupës së Botës më Argjentinën më 1986, kishte qëndruar i vetëm në dhomën e vet për gati një ditë para se të gjendej i vdekur.

Leopoldo Luque, mjeku personal i ikonës, i cili e kishte operuar atë në tru javë më parë, i është përgjigjur akuzave duke thënë se kishte bërë gjithçka që kishte mundur për t’u kujdesur për Maradonën.

Por me këtë nuk pajtohet edhe Baudry.

“Luque dhe ekipi i tij u morën me Maradonën, por vdekja e tij ishte e shmangshme”, tha Baudry.

“Luque është njeri i mirë por nëse e kem Ferrarin më të mirë në botë dhe ia jap një pesëvjeçari, ai do ta shkatërrojë atë. Diego u rrëzua nga shtrati pak ditë më parë dhe e goditi murin me kokë, por ata nuk ia bënë asnjë test pas kësaj”, tregoi ai.

Baudry zbuloi se partnerja e tij kishte shkuar për vizitë të Maradona në fillim të javës së kaluar.

“Të hënën, dy ditë para se të vdiste ai, Diego i tha Veronicas se donte ta shihte dhe ajo shkoi te ai për vizitë, por nuk e gjeti asnjë doktor apo ndonjë njeri atje”, tha Baudry.

“Maradona nuk e kishte një tualet normal në dhomën e vet, e kishte një tualet sikur të kampit. Dhoma e tij ishte shumë e vogël. Ai nuk ishte vendi i duhur për Diegon”, tregoi ai.

The post “Askush s’u kujdes për Maradonën, e lanë vetë të vdesë në një dhomë të vogël” appeared first on FaktePlus.

Griezmann tashmë ka vendosur kur do të largohet nga Barcelona dhe ku do të transferohet

Merlinda Guraj

Eriksen ka vendosur defibrilator kardioverter, por karriera e tij në Serie A është në rrezik

Merlinda Guraj

Romelu Lukaku: Kam kërkuar ta takoj Eriksenin, trajneri i tij më dha leje

Merlinda Guraj
Agjencia e Lajmeve
www.opoja.net