Opoja.net

Bajrami te Shqipëria, tronditen zviceranët

“Shqipëria po na vjedh xhevahirin tonë të U21”, ky ka qenë titulli i gazetës zvicerane, Blick.

Vetëm disa ditë përpara fillimit të Kampionatit Europian U21, ylli i Empoli-t në Serinë B italiane, Nedim Bajrami i jep shpresë Shqipërisë se do të jetë pjesë e saj.

Të dielën, trajneri Mauro Lustrinelli njoftoi formacionin për Kampionatin Europian të U21. Mungonte Nedim Bajrami.

22-vjeçari që ka qenë pjesë e grupmoshave të Zvicrës dhe me vlerë rreth 5 milionë euro, dëshiron të luajë për Shqipërinë.

Në kualifikueset, Bajrami ishte pjesë e rëndësishme për U21. Ai tashmë ka përshëndetur shokët e tij te U21 dhe nuk do ta veshë më fanellën e Zvicrës, por atë të Shqipërisë.

Lustrinelli e konfirmoi këtë gjë për Blick.

“Ne u përpoqëm shumë ta bindnim Nedimin të vazhdonte të luante për Zvicrën. Por, ai më pas na tregoi se zemra e tij rreh më shumë për Shqipërinë”.

“Për ne, identifikimi është një nga vlerat themelore për një lojtar të kombëtares zvicerane. Kështu që nuk kishim zgjidhje tjetër përveçse ta linim të shkonte”, tha trajneri i Zvicrës U-21.

FIFA konsideron sistem të ri futbolli si në kajde të basketbollit

Opoja.net

Mourinho instalon dron dhe ekran gjigant në qendrën stërvitore, ua tregon lojtarëve gabimet në kohë reale

Opoja.net

Çfarë i ka mbetur Messit të arrijë ende?

Opoja.net
Agjencia e Lajmeve
www.opoja.net