Opoja.net

Dialogu Kosovë-Serbi, Kurti dhe Vuçiq takohen më 15 qershor

Dialogu për normalizimin e marrëdhënieve midis Kosovës dhe Serbisë do të vazhdojë të martën, më 15 qershor.

Kështu ka njoftuar të mërkurën zëdhënësi i Bashkimit Evropian, Peter Stano.

Raundi tjetër i dialogut i ndërmjetësuar nga BE-ja do të mbahet të martën e ardhshme më 15 qershor, ku do të takohen presidenti Aleksander Vuçiq dhe kryeministri Albin Kurti”, ka thënë Stano.

Sipas tij, këto takime do të ndërmjetësohen nga shefi i Politikës së Jashtme të BE-së, Josep Borell dhei dërguar i BE-së për dialogun Kosovë-Serbi, Miroslav Lajçak.

Ndryshe, në vitin 2013 në Bruksel është nënshkruar marrëveshja për Asociacionin e komunave me shumicë serbe në Kosovë, ndërkaq në vitin 2015 është arritur edhe një marrëveshje shtesë për themelimin e tij.

Mirëpo, Gjykata Kushtetuese e Kosovës ka konstatuar se parimet e marrëveshjes nuk janë në përputhje me Kushtetutën e Kosovës.

Kurti duke folur rreth Asociacionit, ka thënë ditë më parë nuk do të ketë asociacion njëetnik, ndërsa presidenti i Serbisë, Aleksandar Vuçiq ishte shprehur se Kurti nuk ka nevojë të shkojë fare në Bruksel nëse nuk dëshiron të bisedojë për Asociacionin.

Një i vdekur nga coronavirusi dhe 17 raste pozitive në 24 orët e fundit

Merlinda Guraj

A keni të drejtë ta xhironi policinë e Kosovës?

Opoja.net

MSh fton qytetarët që kanë marrë dozën e parë të vaksinës antiCOVID, të marrin edhe dozën e dytë

Merlinda Guraj
Agjencia e Lajmeve
www.opoja.net