Edhe pse temperaturat e larta dhe moti i ngrohtë kanë filluar të krijojnë atmosferë verore, situata në pikat kufitare mbetet e qetë.
Sipas të dhënave të fundit, nuk është regjistruar fluks i madh i mërgimtarëve apo udhëtarëve drejt destinacioneve bregdetare, ndërsa pritjet në kufi vazhdojnë të jenë minimale.
Aktualisht, koha e pritjes në hyrje dhe dalje të vendit sillet nga 3 deri në 5 minuta, duke mundësuar qarkullim të shpejtë pa kolona dhe vonesa të mëdha.
Megjithëse lëvizjet drejt detit janë shtuar ditët e fundit, deri më tani nuk raportohet për ngarkesë të konsiderueshme në pikat kufitare, ndërsa autoritetet parashikojnë rritje të fluksit në javët në vijim me afrimin e sezonit të pushimeve.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
