Opoja.net

Dragashi, komunë e dimrave të ashpër

Rrugët brenda Komunës së Dragashit kanë marrë pamje të bardhë, edhe pse janë të hapura për qarkullim. Gjerësia e tyre është ngushtuar, për shkak të borës që ka mbuluar këtë zonë. Prandaj edhe qarkullimi i automjeteve është rralluar.

Peizazhi natyror anash këtyre rrugëve ofron bukuri, megjithëse e tëra nganjëherë mbështillet edhe me ndjenjën e trishtimit, për shkakun e kujtimit të ngjarjes tragjike të pesë vjetëve më parë, kur një masiv bore në periferi të Restelicës kishte shkaktuar vdekjen e dhjetë anëtarëve të familjes Reka, shkruan sot “Koha Ditore”.

48
Cilën kandidatë e shihni fituese në raundin e dytë të zgjedhjeve ?

Qarkullimi nëpër këto segmente rrugore është i vështirësuar dhe pajisjet dimërore janë të domosdoshme. Madje rrugët lokale që dërgojnë kah fshatrat e thella të kësaj komune malore në gjerësinë e tyre e zënë vetëm një automjet.

Po ashtu është nevojitur mobilizim dhe angazhim disaditor i autoriteteve lokale dhe kompanive private që të zhbllokohen rrugët e fshatrave të kësaj komune, me ç’rast ka qenë i domosdoshëm edhe intervenimi i Ministrisë së Infrastrukturës me angazhimin e kompanive që posedojnë buldozerë me rrota të dhëmbëzuara për depërtim në fshatra të caktuara, që për disa ditë kanë qenë të bllokuara, pas reshjeve të borës që kishin nisur të enjten e javës së kaluar.

Ndërkohë temperaturat e ulëta që kanë shkuar deri në -28 gradë celsius kanë qenë pengesë shtesë. Qëndrimi jashtë makinerive në këto kushte është i mundshëm vetëm për pak minuta… (më gjerësisht lexoni sot në “E diela me Koha Ditore”)

Agjencia e Lajmeve
www.opoja.net
Fokusi
Shiko
Zgjedhjet
Abonohu
Raporto